കോഴിക്കോട് ശക്തമായ ഇടിമിന്നലില്‍ നാശനഷ്ടം; വിദ്യാര്‍ത്ഥിനിയുടെ കാലില്‍ പൊള്ളൽ; വൈദ്യുതി മീറ്റര്‍ പൊട്ടിത്തെറിച്ചു; നിരവധി വീടുകളിൽ വ്യാപക നാശം
By : സ്വന്തം ലേഖകൻ
Update: 2024-11-20 09:08 GMT
കോഴിക്കോട്: കോഴിക്കോട് ശക്തമായ ഇടിമിന്നലില്‍ വ്യാപക നാശനഷ്ടം. വിദ്യാര്‍ത്ഥിനിയുടെ കാലിന് പൊള്ളലേറ്റു. പെണ്‍കുട്ടിയുടേത് ഉള്‍പ്പെടെ കോഴിക്കോട് ചേളന്നൂര്‍ പ്രദേശത്തെ എട്ടോളം വീടുകളില്‍ വ്യാപക നാശനഷ്ടം ഉണ്ടായി.
കഴിഞ്ഞ ദിവസം വൈകീട്ടോടെയാണ് ചേളന്നൂര്‍ അമ്പലത്തുകുളങ്ങരയില്‍ വാടകയ്ക്ക് താമസിക്കുന്ന മാളവിക (20)യ്ക്ക് മിന്നലേറ്റത്. പിന്നാലെ പെൺകുട്ടിയുടെ കാലിന് പൊള്ളലേല്‍ക്കുകയായിരുന്നു. മാളവിക കോഴിക്കോട് സഹകരണ ആശുപത്രിയില്‍ ഇപ്പോൾ ചികിത്സയിലാണ്.
മാളവിക താമസിക്കുന്ന വീട്ടിലെ വൈദ്യുതി മീറ്റര്‍ പൊട്ടിത്തെറിച്ച നിലയിലാണ്. വയറിങ്ങിനും കേടുപാട് സംഭവിച്ചു. വീട്ടിലുണ്ടായിരുന്ന ടിവി, ഫ്രിഡ്ജ് തുടങ്ങിയ ഉപകരണങ്ങളും നശിച്ചു. ചേളന്നൂര്‍ അമ്പലത്തുകുളങ്ങരയില്‍ മഞ്ചക്കണ്ടി വിജയന്‍റെ വീട്ടിലാണ് നഷ്ട്ടം ഉണ്ടായിരിക്കുന്നത്.