ക്ലാസ്സ് കഴിഞ്ഞ് വീട്ടിലേക്ക് മടങ്ങുന്ന സമയത്തെത്തി; ഇടവഴിയിൽ നോക്കി നിന്നു; പിന്നാലെ അതിക്രമം; സ്‌കൂള്‍ വിദ്യാര്‍ഥിനിയെ കടന്നു പിടിക്കാന്‍ ശ്രമം; യുവാവിനെ കൈയ്യോടെ പിടികൂടി പോലീസ്
തിരുവനന്തപുരം: സ്‌കൂള്‍ വിദ്യാര്‍ഥിനിയെ അതിക്രമിക്കാൻ ശ്രമിച്ച കേസുമായി ബന്ധപ്പെട്ട് യുവാവ് അറസ്റ്റില്‍. തിരുവനന്തപുരം പാറശ്ശാലയിലാണ് സംഭവം നടന്നത്. പാറശ്ശാല സ്വദേശി സുധീഷ് (25) നെയാണ് പാറശ്ശാല പോലീസ് അറസ്റ്റ് ചെയ്തത്. ഒന്‍പതാം ക്ലാസ് വിദ്യാര്‍ഥിനിക്ക് നേരെയായിരുന്നു യുവാവിന്റെ അതിക്രമം നടന്നത്.
കഴിഞ്ഞദിവസം വൈകിട്ട് ക്ലാസ്സ് കഴിഞ്ഞ് വീട്ടിലേക്ക് മടങ്ങുന്നതിനിടയില്‍ ഇടവഴിയില്‍ വെച്ച് ബൈക്കില്‍ എത്തിയ സുധീഷ് കുട്ടിയെ പെട്ടെന്ന് കടന്നു പിടിക്കാന്‍ ശ്രമിക്കുകയായിരുന്നു.
ഉടനെ തന്നെ വിദ്യാര്‍ഥിനിയുടെ നിലവിളി കേട്ട് നാട്ടുകാര്‍ എത്തിയതോടെ യുവാവ് ബൈക്കില്‍ രക്ഷപ്പെടുകയും ചെയ്തു. പിന്നാലെ കുട്ടിയുടെ രക്ഷിതാക്കള്‍ പാറശ്ശാല പോലീസില്‍ പരാതി നല്‍കുകയായിരുന്നു. തുടര്‍ന്ന് പാറശ്ശാല എസ്.എച്ച്.ഒ സജി എസ്. എസിന്റെ നേതൃത്വത്തില്‍ നടത്തിയ അന്വേഷണത്തിനൊടുവിലാണ് പ്രതിയെ അറസ്റ്റ് ചെയ്തത്.