നഗരമധ്യത്തിലെ വീടിനോട് ചേർന്ന് ഒരാൾ പൊക്കത്തിൽ കഞ്ചാവ് ചെടി; കണ്ടെത്തിയത് ബംഗാൾ സ്വദേശികൾ താമസിക്കുന്ന സ്ഥലത്ത്; അന്വേഷണം ആരംഭിച്ചു

ആലപ്പുഴ: നഗരമധ്യത്തിലെ വീടിനോട് ചേർന്ന് ഒരാൾ പൊക്കത്തിൽ കഞ്ചാവ് ചെടി കണ്ടെത്തി. ബംഗാൾ സ്വദേശികൾ വാടകയ്ക്ക് താമസിക്കുന്ന വീട്ടിൽ നിന്നാണ് പോലീസ് കഞ്ചാവ് ചെടി കണ്ടെത്തിയത്. നഗരമധ്യത്തിൽ സക്കറിയ ബസാർ ജംഗ്ഷന് സമീപത്തെ വീട്ടിൽ നിന്നാണ് കഞ്ചാവ് ചെടി പിടികൂടിയത്.

ഇതിന് 6 അടിയ്ക്ക് മുകളിൽ ഉയരമുണ്ടെന്നും പോലീസ് പറഞ്ഞു. ജില്ലാ ലഹരി വിരുദ്ധ സ്ക്വാഡും സൗത്ത് പൊലീസും ചേർന്നാണ് കഞ്ചാവ് ചെടി കണ്ടെത്തിയത്. കടപ്പുറം വനിതാ ശിശു ആശുപത്രി റോഡിന് സമീപം മതിലിനോട് ചേർന്നാണ് കഞ്ചാവ് ചെടി വളർന്നത്.

വാടകയ്ക്ക് താമസിച്ചിരുന്നവരെ കുറിച്ച് യാതൊരു വിവരവും ഇല്ല . ഇവരെ വിശദമായി ചോദ്യം ചെയ്തെങ്കിൽ മാത്രമേ കഞ്ചാവ് ചെടി വളർത്തിയത് സംബന്ധിച്ച വിവരം ലഭിക്കൂവെന്ന് പോലീസ് വ്യക്തമാക്കി. വീടിന്റെ ഉടമയോടും വീട് വാടകയ്ക്ക് കൈമാറിയവരോടും പോലീസ് വിവരങ്ങൾ തേടിയിട്ടുണ്ട്.