ബൈക്കും സ്വകാര്യ ബസും കൂട്ടിയിടിച്ച് രണ്ട് യുവാക്കള് മരിച്ചു
ബൈക്കും സ്വകാര്യ ബസും കൂട്ടിയിടിച്ച് രണ്ട് യുവാക്കള് മരിച്ചു
Update: 2024-09-16 17:50 GMT
കൊച്ചി: എറണാകുളം ജില്ലയിലെ നേര്യമംഗലം റാണിക്കല്ലില് വാഹനാപകടത്തില് രണ്ട് യുവാക്കള് മരിച്ചു. പാലക്കാട് സ്വദേശികളായ അഫ്സല് (22) അന്ഷാദ് (18) എന്നിവരാണ് മരിച്ചത്. ഇവര് സഞ്ചരിച്ച ബൈക്ക് സ്വകാര്യ ബസുമായി കൂട്ടിയിടിച്ചാണ് അപകടമുണ്ടായത്. ഇരുവരെയും കോതമംഗലത്തെയും പിന്നീട് ആലുവയിലെയും സ്വകാര്യ ആശുപത്രികളിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹങ്ങള് ആശുപത്രി മോര്ച്ചറിയിലേക്ക് മാറ്റി. പോസ്റ്റ്മോര്ട്ടത്തിനും നിയമപരമായ നടപടിക്രമങ്ങള്ക്കും ശേഷം മൃതദേഹങ്ങള് ബന്ധുക്കള്ക്ക് വിട്ടുകൊടുക്കും.