പമ്പയില്‍ നിന്ന് ശബരിമലയിലേക്ക് പോകുന്നതിനിടെ ദേഹാസ്വാസ്ഥ്യം; ആന്ധ്രാ തീര്‍ഥാടകന്‍ കുഴഞ്ഞ് വീണ് മരിച്ചു
By : സ്വന്തം ലേഖകൻ
Update: 2024-11-18 05:12 GMT
പത്തനംതിട്ട: ശബരിമലയില്‍ തീര്‍ഥാടകന്‍ കുഴഞ്ഞ് വീണ് മരിച്ചു. ആന്ധ്രാപ്രദേശ് വിജയപുരം സ്വദേശി മുരുകാചാരി (40) ആണ് മരിച്ചത്. വൈകിട്ട് നീലിമല ഭാഗത്ത് വെച്ച് കുഴഞ്ഞുവീഴുകയായിരുന്നു. തുടര്‍ന്ന് ചികിത്സ നല്‍കിയെങ്കിലും ജീവന്‍ രക്ഷിക്കാനായില്ല. സംഘത്തിനൊപ്പം പമ്പയില്‍ നിന്ന് ശബരിമലയിലേക്ക് പോകുന്നതിനിടെയാണ് ദേഹാസ്വാസ്ഥ്യമുണ്ടായത്.