ഓടിക്കൊണ്ടിരുന്ന ബൈക്കിന്റെ പിന്നില്‍ നിന്നും പുക; യാത്രക്കാര്‍ ഇറങ്ങിയതിന് പിന്നാലെ ബൈക്കിന് തീ പിടിച്ച് കത്തി നശിച്ചു
ഓടിക്കൊണ്ടിരുന്ന ബൈക്കിന്റെ പിന്നില്‍ നിന്നും പുക; യാത്രക്കാര്‍ ഇറങ്ങിയതിന് പിന്നാലെ ബൈക്കിന് തീ പിടിച്ച് കത്തി നശിച്ചു
By : സ്വന്തം ലേഖകൻ
Update: 2025-01-07 00:13 GMT
കൊച്ചി: കൊച്ചിയില്‍ ഓടിക്കൊണ്ടിരിക്കെ ബൈക്കിന് തീപിടിച്ചു. വാഹനം പൂര്‍ണമായി കത്തിനശിച്ചു. തിങ്കളാഴ്ച രാത്രി 10.45ഓടെയായിരുന്നു സംഭവം. ബൈക്കില്‍ യാത്ര ചെയ്യുകയായിരുന്ന യുവാവും യുവതിയും തലനാരിഴയ്ക്കാണ് പരിക്കേല്‍ക്കാതെ രക്ഷപ്പെട്ടത്.
എറണാകുളം മരട് കുണ്ടന്നൂര്‍ മേല്‍പ്പാലത്തില്‍ വെച്ചായിരുന്നു സംഭവം. ചേര്‍ത്തല സ്വദേശി അനന്ദുവിന്റെ ബൈക്കാണ് കത്തിനശിച്ചത്. ഓടിക്കൊണ്ടിരിക്കെ ബൈക്കിന് പിന്നില്‍ നിന്ന് പുക ഉയരുന്നത് കണ്ട് ബൈക്ക് നിര്‍ത്തി ഉടനെ ഇറങ്ങുകയായിരുന്നു എന്ന് യാത്രക്കാര്‍ പറഞ്ഞു. മിനിറ്റുകള്‍ക്കകം തീ പടര്‍ന്ന് വാഹനം പൂര്‍ണമായി കത്തിനശിച്ചു. കടവന്ത്രയില്‍ നിന്നെത്തിയ അഗ്‌നിശമനസേന തീ പൂര്‍ണ്ണമായും നിയന്ത്രണ വിധേയമാക്കി.