നാലു വയസ്സുകാരനടക്കം മൂന്നു പേര്‍ക്ക് തെരുവുനായുടെ കടിയേറ്റു
നാലു വയസ്സുകാരനടക്കം മൂന്നു പേര്‍ക്ക് തെരുവുനായുടെ കടിയേറ്റു
By : സ്വന്തം ലേഖകൻ
Update: 2025-01-27 15:14 GMT
പന്തളം: പെരുമ്പുളിക്കലില്‍ നിരവധി പേരെ തെരുവുനായ കടിച്ചു. നാലു വയസ്സുകാരന്‍ ഉള്‍പ്പെടെ മൂന്നുപേര്‍ക്ക് പരിക്കേറ്റു. പരിസരത്തെ നിരവധി വളര്‍ത്തു മൃഗങ്ങളെയും നായ കടിച്ചിട്ടുണ്ട്.
മന്നം നഗര്‍ കരൂര്‍ വീട്ടില്‍ അജിതകുമാരി (55), മന്നം നഗര്‍ കുളത്തിന്റെ കിഴക്കേതില്‍ സരോജിനിയമ്മ (80), വൈഷ്ണവത്താല്‍ ആരവ് വി. നായര്‍ (4) എന്നിവര്‍ക്കാണ് പട്ടിയുടെ കടിയേറ്റത്.
തിങ്കളാഴ്ച വൈകുന്നേരം നാലിന് വീട്ടുമുറ്റത്ത് നില്‍ക്കുകയായിരുന്ന അയല്‍വാസികളെ നായ കടിക്കുകയായിരുന്നു. പരിക്കേറ്റവരെ അടൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. രാത്രി വൈകിയും നായയെ പിടികൂടാനായിട്ടില്ല.