പത്താംക്ലാസുകാരനെ ക്രൂരമായി മര്‍ദിച്ച് പ്ലസ് ടു വിദ്യാര്‍ഥി; കണ്ണിന് ഗുരുതര പരിക്കേറ്റു
പത്താംക്ലാസുകാരനെ ക്രൂരമായി മര്‍ദിച്ച് പ്ലസ് ടു വിദ്യാര്‍ഥി; കണ്ണിന് ഗുരുതര പരിക്കേറ്റു
ആലപ്പുഴ: ചന്തിരൂരിലെ സ്വകാര്യ വിദ്യാലയത്തില്‍ പഠിക്കുന്ന പത്താംക്ലാസുകാരനെ ഇതേ സ്‌കൂളിലെതന്നെ പ്ലസ് ടു വിദ്യാര്‍ഥി ക്രൂരമായി മര്‍ദിച്ചു. ഫെബ്രുവരി 13നുണ്ടായ സംഭവത്തില്‍ വിദ്യാര്‍ഥിയുടെ രക്ഷിതാക്കള്‍ 17ന് അരൂര്‍ പൊലീസില്‍ പരാതി നല്‍കിയിരുന്നെങ്കിലും ഇപ്പോഴാണ് സംഭവം പുറത്തറിയുന്നത്.
സ്‌കൂളിനടുത്തുള്ള ഇടവഴിയിലേക്ക് വിളിച്ചുവരുത്തി ക്രൂരമായി മര്‍ദിച്ചെന്നാണ് പരാതി. മര്‍ദനത്തില്‍ കണ്ണിനാണ് ഗുരുതര പരിക്കേറ്റത്. പരാതിയില്‍ അന്വേഷണം നടത്തിയ പൊലീസ് രണ്ടുകൂട്ടരെയും സ്റ്റേഷനില്‍ വിളിപ്പിച്ചിരുന്നു. ചികിത്സക്കുവേണ്ട ഏര്‍പ്പാടുകള്‍ ചെയ്യാമെന്ന് പ്ലസ് ടു വിദ്യാര്‍ഥിയുടെ ബന്ധുക്കള്‍ സമ്മതിച്ചിട്ടുണ്ട്.
മര്‍ദനമേറ്റ വിദ്യാര്‍ഥി പത്താംക്ലാസ് പരീക്ഷ എഴുതുന്നുണ്ടെന്ന് പ്രിന്‍സിപ്പല്‍ അറിയിച്ചു. സ്‌കൂളിന്റെ പുറത്ത് നടന്ന സംഭവമാണെങ്കിലും പരാതിയുണ്ടെങ്കില്‍ അന്വേഷിക്കാന്‍ തയാറാണെന്നും സ്‌കൂള്‍ അധികൃതര്‍ വ്യക്തമാക്കി.