പാളം മുറിച്ചു കടക്കുമ്പോള്‍ ട്രെയിന്‍ തട്ടി; വര്‍ക്കലയില്‍ വയോധികയ്ക്കും പെണ്‍കുട്ടിക്കും ദാരുണ മരണം
വർക്കലയിൽ ട്രെയിൻ തട്ടി; വയോധികയും പെൺകുട്ടിയും മരിച്ചു
By : സ്വന്തം ലേഖകൻ
Update: 2025-03-13 00:06 GMT
തിരുവനന്തപുരം: വര്‍ക്കല അയന്തി പാലത്തിനു സമീപം ട്രെയിന്‍ തട്ടി രണ്ടു പേര്‍ മരിച്ചു. വര്‍ക്കല സ്വദേശി കുമാരി (65), സഹോദരിയുടെ മകള്‍ അമ്മു (15) എന്നിവരാണു മരിച്ചത്. പാളം മുറിച്ചു കടക്കുമ്പോള്‍ മാവേലി എക്‌സ്പ്രസ് തട്ടിയായിരുന്നു അപകടം. വീടിനു സമീപമായിരുന്നു അപകടമെന്നാണു വിവരം. പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.