വരവൂരില്‍ ഓട്ടോയും പിക്കപ്പ് വാനും കൂട്ടിയിടിച്ചു; അഞ്ച് പേര്‍ക്ക് പരിക്കേറ്റു

തൃശൂര്‍: തൃശൂര്‍ വരവൂരിലുണ്ടായ വാഹനാപകടത്തില്‍ അഞ്ച് പേര്‍ക്ക് പരിക്കേറ്റു. ചിറ്റണ്ട വരവൂര്‍ പാതയില്‍ സ്വകാര്യ ഓട്ടോറിക്ഷയും പിക്കപ്പ് വാനും കൂട്ടിയിടിച്ചാണ് അപകടമുണ്ടായത്. പിക്കപ് വാന്‍ ഡ്രൈവറായ വല്ലച്ചിറ സ്വദേശിക്കും ഓട്ടോറിക്ഷയിലുണ്ടായിരുന്ന ഒരു കുടുംബത്തിലെ നാല് പേര്‍ക്കുമാണ് പരിക്കേറ്റത്.

ഓട്ടോറിക്ഷ ഓടിച്ചിരുന്ന വരവൂര്‍ വലിയകത്ത് ഷെരീഫ് (50), ഷെരീഫിന്റെ മാതാവ് മിസിരിയ, ഭാര്യ ജസീല (38), മകള്‍ ഫസീഹ(11)എന്നിവര്‍ക്കാണ് പരിക്കേറ്റത്. കുണ്ടന്നൂരില്‍ നിന്നും വരികയായിരുന്ന ഓട്ടോറിക്ഷയും വരവൂരില്‍ നിന്നും വരികയായിരുന്ന പിക്കപ്പ് വാനും തമ്മില്‍ കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ രണ്ട് വാഹനങ്ങളും മറിഞ്ഞു വീണു. നാട്ടുകാര്‍ ഓടിയെത്തി പരിക്കേറ്റവരെ ആശുപത്രിയില്‍ പ്രവേശിപ്പിച്ചു.