പാലക്കാട് മലമാനിനെ വെടിവെച്ച് കൊന്നു; വീട്ടില്‍ നിന്ന് ഇറച്ചി കണ്ടെത്തി; ഒരാള്‍ പിടിയില്‍; മറ്റു പ്രതികള്‍ക്കായി അന്വേഷണം

പാലക്കാട്: പാലക്കാട് കോട്ടോപാടത്ത് മലമാനിനെ വെടിവെച്ച് കൊന്ന കേസില്‍ ഒരാള്‍ പിടിയില്‍. പാറപുറത്ത് റാഫി എന്നയാളെയാണ് വനംവകുപ്പ് പിടികൂടിയത്. മറ്റു പ്രതികള്‍ക്കായി അന്വേഷണം ആരംഭിച്ചു. മലമാനിനെ വെടിവെച്ച് കൊന്നതിന് കേസെടുത്താണ് പ്രതിയെ പിടികൂടിയത്. മൂന്ന് വയസ് പ്രായമുള്ള മലമാനിനെയാണ് വെടിവെച്ച് കൊന്നത്. റാഫിയുടെ വീട്ടില്‍ നടത്തിയ പരിശോധനയില്‍ കാട്ടിറച്ചിയും മാനിന്റെ തോലടക്കമുളള അവശിഷ്ടങ്ങളും കണ്ടെത്തി. മറ്റു പ്രതികള്‍ ഒളിവിലാണെന്ന് വനംവകുപ്പ് അറിയിച്ചു.