താടിവടിച്ചില്ലെന്ന് ആരോപിച്ച് പ്ലസ് വണ് വിദ്യാര്ത്ഥിക്ക് സീനിയേഴ്സിന്റെ മര്ദനം; ദൃശ്യങ്ങള് പുറത്ത്
താടിവടിച്ചില്ലെന്ന് ആരോപിച്ച് പ്ലസ് വണ് വിദ്യാര്ത്ഥിക്ക് സീനിയേഴ്സിന്റെ മര്ദനം; ദൃശ്യങ്ങള് പുറത്ത്
By : സ്വന്തം ലേഖകൻ
Update: 2025-03-21 03:25 GMT
കോഴിക്കോട്: നാദാപുരം പേരോട് എം ഐ എം ഹയര് സെക്കന്ഡറി സ്കൂളിലെ പ്ലസ് വണ് വിദ്യാര്ത്ഥിയെ സീനിയര് വിദ്യാര്ത്ഥികള് മര്ദിച്ച സംഭവത്തിന്റെ സിസിടിവി ദൃശ്യങ്ങള് പുറത്ത്. കല്ലാച്ചിയിലെ ഹോട്ടലിന്റെ പുറത്ത് വെച്ച് മര്ദിക്കുന്ന ദൃശ്യങ്ങളാണ് പുറത്തുവന്നത്. മര്ദനത്തില് വിദ്യാര്ത്ഥിയുടെ കര്ണ്ണപുടത്തിന് പരിക്കേറ്റിരുന്നു. താടി വടിച്ചില്ലെന്നും ഷര്ട്ടിന്റെ ബട്ടന് ഇട്ടില്ലെന്നും പറഞ്ഞായിരുന്നു മര്ദനം.
നാല് വിദ്യാര്ത്ഥികള്ക്കെതിരെ പൊലീസ് കേസെടുത്തിട്ടുണ്ട്. ആന്റി റാഗിങ് കമ്മിറ്റിയുടെ റിപ്പോര്ട്ട് ലഭിച്ച ശേഷമായിരിക്കും റാഗിങ് സംബന്ധിച്ച വകുപ്പുകള് ചുമത്തുകയെന്ന് പൊലീസ് അറിയിച്ചു.