അങ്കണവാടി സമരം ഒത്തു തീര്‍പ്പക്കാന്‍ മുഖ്യമന്ത്രി മുന്‍കൈ എടുക്കണമെന്ന് രമേശ് ചെന്നിത്തല; ന്യായമായ ആവശ്യങ്ങള്‍ക്ക് വേണ്ടിയുള്ള സമരമെന്ന് കോണ്‍ഗ്രസ് നേതാവ്
തിരുവനന്തപുരം: ഇന്ത്യന്‍ നാഷണല്‍ അംഗന്‍വാടി എംപ്പോയീസ് ഫെഡറേഷന്‍ -ഐ എന്‍ റ്റി യു സി യുടെ നേതൃത്വത്തില്‍ നടന്നു വരുന്ന അംഗനവാടി ജീവനക്കാരുടെ രാപ്പകല്‍ സമരം 9-ാം ദിവസത്തിലേക്ക് കടന്നു. 9-ാം ദിവസത്തെ സമരപരിപാടികള്‍ മുന്‍ പ്രതിപക്ഷ നേതാവ് രമേശ് ചെന്നിത്തല ഉത് ഘാടനം ചെയ്തു. ഇന്ദിരാഗാന്ധി അരംഭിച്ച അങ്കണവാടികള്‍ ഇന്ത്യയിലെ അടിസ്ഥാന ജനവിഭാഗങ്ങളുടെയും സ്ത്രീകളുടെയും ഉന്നമന്നത്തിന് വലിയ കുതിപ്പാണ് നല്‍കിയത്. അതിന് കാരണക്കാരയായ അങ്കണവാടി ജീവനക്കാരുടെ ന്യായമായ അവകാശങ്ങള്‍ക്ക് വേണ്ടി നടത്തന്ന സമരത്തിന് എത്രയും വേഗം പരിഹാരം കാണാന്‍ മുഖ്യമന്ത്രി നേരിട്ട് അങ്കണവാടി ജീവനാക്കരുടെ പ്രതിനിധികളുമായി ചര്‍ച്ചയ്ക്ക് തയ്യാറാകണം എന്ന് രേമശ് ചെന്നിത്തല ആവശ്യപ്പെട്ടു.
യുണിയന്‍ സംസ്ഥാന പ്രസിഡന്റ് അജയ് തറയില്‍ അദ്ധ്യക്ഷത വഹിച്ചു, യൂണിയന്‍ സംസ്ഥാന ജനറല്‍ സെക്രട്ടറി അഡ്വ.റീസ് പുത്തന്‍ വീട്ടില്‍, ഓര്‍ഗനൈംസിഗ് സെക്രട്ടറി നന്ദിയോടെ ജീവകുമാര്‍, ഐ എന്‍ റ്റി യു സി സംസ്ഥാന സെക്രട്ടറി ജോമോന്‍ മാത്യു കുളങ്ങര, ബിന്ദു എന്‍ എസ് , കൃഷണകുമാരി, സിതാലക്ഷമി, മേഴ്‌സി ജോണ്‍, അബദ്ധുള്ള കുട്ടി എന്നിവര്‍ ഇന്നത്തെ സമര പരിപാടികള്‍ക്ക് നേതൃത്വം നല്‍കി, മുന്‍ മന്ത്രി എം. മുനീര്‍,ഐ എന്‍ റ്റി യു സി സംസ്ഥാന പ്രസിഡന്റ് ആര്‍ ചന്ദ്രശേഖരന്‍, രാഹുല്‍ മാങ്കൂട്ടത്തില്‍ എം എല്‍ എ , വി. ജെ ജോസഫ്, സന്തോഷ് പണ്ഡിറ്റിന്റ്, ബിന്ദു സുരേഷ് കുമാര്‍, ലതികാ കെ.ബി. എന്നിവര്‍ പ്രസംഗിച്ചു, 9-ാം ദിവസത്ത് സമരത്തിന് വയനാട് ജില്ലയിലെ അങ്കണവാടി ജീവനക്കാര്‍ പങ്കെടുത്തു.