മെയില്‍ രണ്ടുമാസത്തെ ക്ഷേമ പെന്‍ഷന്‍; 62 ലക്ഷം കുടുംബങ്ങള്‍ക്ക് 3200 രൂപവീതം ലഭിക്കും
മെയില്‍ രണ്ടുമാസത്തെ ക്ഷേമ പെന്‍ഷന്‍
By : സ്വന്തം ലേഖകൻ
Update: 2025-04-25 00:26 GMT
തിരുവനന്തപുരം: മെയില്‍ രണ്ടുമാസത്തെ ക്ഷേമ പെന്‍ഷന്‍ ലഭിക്കും. ക്ഷേമപെന്‍ഷന്‍ കുടിശ്ശികയില്‍ ഒരുമാസത്തേതുകൂടി വിതരണംചെയ്യാന്‍ തീരുമാനമായതായി മന്ത്രി കെ.എന്‍. ബാലഗോപാല്‍. മേയിലെ പെന്‍ഷനൊപ്പം ഇതും നല്‍കും. 62 ലക്ഷം കുടുംബങ്ങള്‍ക്ക് 3200 രൂപവീതം ലഭിക്കും. 1800 കോടി രൂപ ഇതിന് വേണ്ടിവരും. അടുത്തമാസം 15-നുശേഷം വിതരണംചെയ്യും.
ക്ഷേമപെന്‍ഷനില്‍ അഞ്ചുമാസത്തെ കുടിശ്ശികയുണ്ടായിരുന്നു. ഇതില്‍ രണ്ടുമാസത്തേത് കഴിഞ്ഞ സാമ്പത്തികവര്‍ഷം നല്‍കി. ശേഷിക്കുന്ന മൂന്നുമാസത്തേത് ഈവര്‍ഷം നല്‍കുമെന്ന് മുഖ്യമന്ത്രി നിയമസഭയില്‍ പറഞ്ഞിരുന്നു. ഇതില്‍ ഒരുമാസത്തേതാണ് മേയില്‍ നല്‍കുന്നത്.