കൊല്ലത്ത് ഓടിക്കൊണ്ടിരിക്കെ കെ.എസ്.ആര്‍.ടി.സി ബസിന് തീപിടിച്ചു; ബൈക്ക് യാത്രക്കാരന്റെ സമയോചിത ഇടപെടല്‍; ഒഴിവായത് വന്‍ ദുരന്തം
By : സ്വന്തം ലേഖകൻ
Update: 2025-07-15 14:01 GMT
കൊല്ലം: കൊല്ലം അഞ്ചലില്‍ കെ.എസ്.ആര്‍.ടി.സി ബസിന് തീ പിടിച്ചു. തിരുവനന്തപുരത്ത് നിന്നും മുണ്ടക്കയത്തേക്ക് പോയ ബസിനാണ് തീപിടിച്ചത്. ബൈക്ക് യാത്രക്കാരന്റെ സമയോചിതമായ ഇടപെടലിലാണ് വന്‍ ദുരന്തം ഒഴിവായത്. പുക ഉയര്‍ന്നത് ശ്രദ്ധയില്‍പ്പെട്ട ബൈക്ക് യാത്രികനാണ് ബസ് ഡ്രൈവറെ വിവരം അറിയിക്കുന്നത്. തുടര്‍ന്ന് യാത്രക്കാരെ മുഴുവന്‍ പുറത്തിറക്കി സമീപത്തെ പെട്രോള്‍ പമ്പില്‍ നിന്ന് അഗ്‌നിശമന ഉപകരണങ്ങള്‍ കൊണ്ടുവന്ന് തീയണച്ചു. ബസിന്റെ ഡീസല്‍ ടാങ്കിന് ചോര്‍ച്ച ഉണ്ടായിരുന്നതായി കണ്ടെത്തി. അഞ്ചല്‍ പൊലീസും ഫയര്‍ഫോഴ്‌സും സ്ഥലത്തെത്തി.