ഓഗസ്റ്റ് മൂന്നു മുതല്‍ വീണ്ടും മഴ കനക്കും; അതിശക്തമായ മഴയ്ക്ക് സാധ്യതയില്ല

തിരുവനന്തപുരം: കേരളത്തില്‍ ഈയാഴ്ച മഴ കുറവായിരിക്കും. എന്നാല്‍, ഓഗസ്റ്റ് മൂന്നുമുതല്‍ അഞ്ചുവരെ താരതമ്യേന കൂടുതല്‍ മഴപെയ്യാന്‍ സാധ്യതയുണ്ട്. ചിലയിടങ്ങളില്‍ ഒറ്റപ്പെട്ട കനത്തമഴയ്ക്കുള്ള സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്‍കുന്നു. ഓഗസ്റ്റ് മൂന്നിന് ഇടുക്കി, കോട്ടയം, പത്തനംതിട്ട ജില്ലകള്‍ക്ക് മഞ്ഞമുന്നറിയിപ്പ് നല്‍കിയിട്ടുണ്ട്.

എന്നാല്‍, കഴിഞ്ഞദിവസങ്ങളിലേതുപോലെ അതിശക്തമായ മഴയ്ക്ക് സാധ്യതയില്ല. ഇനിയുള്ള ദിവസങ്ങളില്‍ കാലവര്‍ഷം വടക്കേയിന്ത്യയില്‍ ശക്തിയാര്‍ജിക്കും.