തൃശൂരില്‍ പനി ബാധിച്ച് വിദ്യാര്‍ത്ഥിനി മരിച്ചു; ഡി-ഫാം വിദ്യാര്‍ത്ഥിനിയുടെ മരണം ആശുപത്രിയില്‍ ചികിത്സയിലിരിക്കെ

തൃശൂര്‍: പുത്തന്‍പീടികയില്‍ പനി ബാധിച്ച് വിദ്യാര്‍ത്ഥിനി മരിച്ചു. തേയ്ക്കാനത്ത് സ്വദേശി ബിജുവിന്റെ മകള്‍ അലക്സിയയാണ് മരിച്ചത്. ചാലക്കുടി സെന്റ് ജെയിംസ് ആശുപത്രിയിലെ ഡി-ഫാം വിദ്യാര്‍ത്ഥിനിയാണ്. പനി ബാധിച്ചതിനെ തുടര്‍ന്ന് കുറച്ച് ദിവസങ്ങളായി ചികിത്സയിലായിരുന്നു.

ചാലക്കുടിയില്‍ നിന്നും വീട്ടിലേക്ക് കൊണ്ടുവന്ന അലക്‌സിയയെ സമീപത്തെ ആശുപത്രിയില്‍ പ്രവേശിപ്പിച്ചിരുന്നു. ഇതിനിടെ ആരോഗ്യനില മോശമായതോടെയാണ് മരണം സംഭവിച്ചത്.

മഴക്കാലം ആരംഭിച്ചതോടെയാണ് പനി പടര്‍ന്ന് പിടിക്കാന്‍ തുടങ്ങിയത്. സംസ്ഥാനത്തുടനീളം വിവിധ ആശുപത്രികളിലായി പനി ബാധിച്ച് ചികിത്സയില്‍ കഴിയുന്നവരുടെ എണ്ണവും വര്‍ദ്ധിക്കുന്നുണ്ട്. കഴിഞ്ഞ ദിവസം കൊല്ലത്ത് പനി ബാധിച്ച് രണ്ട് പേര്‍ മരിച്ചിരുന്നു. ആശുപത്രിയില്‍ ചികിത്സയിലിരിക്കെയാണ് മരിച്ചത.