ആലപ്പുഴ എക്‌സ്പ്രസില്‍ നിന്നും വേര്‍പെടുത്തിയ കോച്ചില്‍ സ്ത്രീയുടെ മൃതദേഹം പുഴുവരിച്ച നിലയില്‍; മൃതദേഹത്തിന് ഏഴ് ദിവസത്തോളം പഴക്കം; അന്വേഷണം ആരംഭിച്ച് പോലിസ്
ആലപ്പുഴ എക്‌സ്പ്രസില്‍ നിന്നും വേര്‍പെടുത്തിയ കോച്ചില്‍ സ്ത്രീയുടെ മൃതദേഹം പുഴുവരിച്ച നിലയില്‍;
ചെന്നൈ: ആലപ്പുഴ എക്‌സ്പ്രസില്‍ നിന്നും വേര്‍പെടുത്തിയ കോച്ചില്‍ അജ്ഞാത സ്ത്രീയുടെ മൃതദേഹം കണ്ടെത്തി. ഫാന്‍ തകരാറിനെ തുടര്‍ന്ന് സെന്‍ട്രല്‍ റെയില്‍വേ സ്റ്റേഷനിലെ യാര്‍ഡില്‍ അറ്റകുറ്റപ്പണിക്കെത്തിച്ചപ്പോഴാണ് അഴുകിയ നിലയിലുള്ള മൃതദേഹം കണ്ടെത്തിയത്. പത്ത് ദിവസത്തിലേറെയായി നിര്‍ത്തിയിട്ടിരുന്ന കോച്ചില്‍ നിന്നാണ് മൃതദേഹം കണ്ടെത്തിയത്. 50 വയസ്സിലേറെ പ്രായം തോന്നുന്ന സ്ത്രീയുടെ മൃതദേഹം കണ്ടെത്തിയത്.
മൃതദേഹത്തിന് ഏഴ് ദിവസത്തോളം പഴക്കമുണ്ടെന്നും പുഴുവരിച്ച നിലയിലായിരുന്നെന്നും റെയില്‍വേ പൊലീസ് പറഞ്ഞു. കോച്ചില്‍ നിന്നു ദുര്‍ഗന്ധം വമിക്കുന്നതായി റെയില്‍വേ ജീവനക്കാര്‍ അറിയിച്ചതിനെ തുടര്‍ന്നു പൊലീസെത്തി പരിശോധിക്കുകയായിരുന്നു. ഒന്നിലധികം വസ്ത്രങ്ങള്‍ ധരിച്ചിട്ടുള്ള സ്ത്രീ, ഭിക്ഷാടകയാണെന്ന നിഗമനത്തിലാണു പൊലീസ്. സ്ത്രീ ഈ കോച്ചിനടുത്തേക്കു നടക്കുന്ന സിസിടിവി ദൃശ്യങ്ങള്‍ കണ്ടെത്തി. മരണത്തിനിടയാക്കിയ സാഹചര്യം അന്വേഷിക്കുമെന്നു പൊലീസ് പറഞ്ഞു.