ഗുജറാത്തിലെ വസ്ത്ര നിര്‍മ്മാണ ശാലയില്‍ സ്‌ഫോടനം; രണ്ട് മരണം; 20 പേര്‍ക്ക് പരിക്ക്: രണ്ട് പേരുടെ നില ഗുരുതരം: അപകടം രാസവസ്തുക്കള്‍ സൂക്ഷിച്ച ഡ്രം പൊട്ടിത്തെറിച്ച്
ഗുജറാത്തിലെ വസ്ത്ര നിര്‍മ്മാണ ശാലയില്‍ സ്‌ഫോടനം; രണ്ട് മരണം
By : സ്വന്തം ലേഖകൻ
Update: 2025-09-02 00:38 GMT
സൂറത്ത്: ഗുജറാത്തിലെ സൂറത്തില്‍ വസ്ത്ര നിര്‍മാണശാലയിലുണ്ടായ സ്‌ഫോടനത്തില്‍ രണ്ട് പേര്‍ മരിച്ചു. 20 പേര്‍ക്ക് പരുക്കേറ്റു. പരുക്കേറ്റവരില്‍ രണ്ടുപേരുടെ നില ഗുരുതരമാണ്. ജൊല്‍വ ഗ്രാമത്തിലെ സന്തോഷ് തുണിമില്ലില്‍ ഉച്ചയ്ക്കു ശേഷമാണ് സ്‌ഫോടനമുണ്ടായത്. ഇവിടുത്തെ തൊഴിലാളികളാണ് മരിച്ചത്.
രാസവസ്തുക്കള്‍ സൂക്ഷിച്ചിരുന്ന ഡ്രം പൊട്ടിത്തെറിച്ചാണ് അപകടമെന്ന് സബ് ഡിവിഷണല്‍ മജിസ്‌ട്രേറ്റ് വി.കെ.പിപാലിയ പറഞ്ഞു. പൊട്ടിത്തെറിയുടെ കാരണം അറിവായിട്ടില്ലെന്നും അദ്ദേഹം കൂട്ടിച്ചേര്‍ത്തു. അഗ്‌നിരക്ഷാ സേനയുടെ 10 യൂണിറ്റെത്തിയാണ് തീ നിയന്ത്രണവിധേയമാക്കുന്നത്.