'ഇന്നത്തെ സന്തോഷം!' ആ സൈബര് ആക്രമണം മറന്നിട്ടില്ല, രാഹുലിന്റേത് കര്മ്മയെന്ന് പി.പി ദിവ്യ
കണ്ണൂര്: രാഹുല് മാങ്കൂട്ടത്തിലിന്റെ മുന്കൂര് ജാമ്യം നിഷേധിച്ചതിന് പിന്നാലെ പ്രതികരണവുമായി കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി.പി ദിവ്യ. ഇന്നത്തെ സന്തോഷമെന്ന പേരിലാണ് പി.പി ദിവ്യയുടെ ഫേസ്ബുക്ക് കുറിപ്പ് തുടങ്ങുന്നത്. പാലക്കാട് നിയമസഭ തെരഞ്ഞെടുപ്പ് സമയത്ത് തനിക്കെതിരെ കള്ളക്കേസ് ചുമത്താന് സമരപരമ്പര നടത്തി വെട്ടുക്കിളി കൂട്ടങ്ങളെ കൊണ്ട് സൈബര് ആക്രമണം നടത്തിയത് മറന്നിട്ടില്ലെന്ന് പി.പി ദിവ്യ ഫേസ്ബുക്കില് കുറച്ചു. കര്മ്മഫലമാണ് രാഹുല് ഇപ്പോള് അനുഭവിക്കുന്നതെന്നും പി.പി ദിവ്യ വ്യക്തമാക്കി.
ഇതിനൊപ്പം സി.പി.എം നേതാവ് പി.കുഞ്ഞനന്തന്റെ മകള് ഷബ്നയുടെ കുറിപ്പും പി.പി ദിവ്യ പങ്കുവെച്ചിട്ടുണ്ട്. രാഹുല് മാങ്കുട്ടത്തിലിന്റെ രാഷ്ട്രീയ പതനം ഞാനേറെ ആസ്വദിക്കുന്നതിന് പിന്നില് എന്റെ രാഷ്ട്രീയം ഒട്ടുമല്ല മറിച്ച് കേരള രാഷ്ട്രീയം ഇന്നോളം കണ്ടിട്ടില്ലാത്ത വൃത്തികെട്ട നാക്കിന്റെയും രാഷ്ട്രീയമര്യാദയില്ലായ്മയുടെയും ഒരേയൊരു പ്രതീകമാണ് അയാള് എന്നത് മാത്രമാണ്. ഒരു രാഷ്ട്രീയ പ്രവര്ത്തകന് എങ്ങനെയാകരുത് എന്ന് ചോദിച്ചാല് ഒറ്റ ഉത്തരമേ പറയാനുള്ളൂ അത് രാഹുല് മാങ്കൂട്ടത്തിലിനെപ്പോലെ ആകരുത് അയാള്ടെ പുഴുത്ത നാക്ക് ഇനി കേരള രാഷ്ട്രീയത്തില് ചലിക്കരുതെന്ന പറയുന്ന ഷബ്നയുടെ കുറിപ്പാണ് പി.പി ദിവ്യ പങ്കുവെച്ചിരിക്കുന്നത്.