ഒമ്പതാം ക്ലാസുകാരിയുടെ ശരീരത്തിൽ മോശം രീതിയിൽ സ്പർശിച്ച് കെഎസ്ആർടിസി കണ്ടക്ടറുടെ ലൈംഗികാതിക്രമം; പ്രതിക്ക് 5 വർഷം കഠിന തടവിന് വിധിച്ച് കോടതി

തിരുവനന്തപുരം: കെഎസ്ആർടിസി ബസിൽ വെച്ച് ഒൻപതാം ക്ലാസ് വിദ്യാർത്ഥിനിയോട് ലൈംഗികാതിക്രമം നടത്തിയ കേസിൽ കണ്ടക്ടർക്ക് അഞ്ച് വർഷം കഠിന തടവും 25,000 രൂപ പിഴയും ശിക്ഷ. വെമ്പായം സ്വദേശിയായ സത്യരാജ് (53) നെയാണ് തിരുവനന്തപുരം പോക്സോ കോടതി ശിക്ഷിച്ചത്.

2023 ഓഗസ്റ്റിലാണ് കേസിനാസ്പദമായ സംഭവം. സ്കൂളിലേക്ക് പോവുകയായിരുന്ന 14 വയസ്സുകാരിയോട് ബസിനുള്ളിൽ വെച്ച് കണ്ടക്ടർ ലൈംഗികാതിക്രമം നടത്തുകയായിരുന്നു. സംഭവം വിദ്യാർത്ഥിനി സ്കൂൾ അധികൃതരെ അറിയിച്ചതിനെ തുടർന്ന് ആര്യനാട് പോലീസ് കേസെടുത്തു. പെൺകുട്ടികളുടെ സുരക്ഷ ഉറപ്പാക്കേണ്ടയാൾ തന്നെ കുറ്റകൃത്യം ചെയ്തത് അതീവ ഗൗരവമായി കണക്കിലെടുത്താണ് കോടതി ശിക്ഷ വിധിച്ചത്.