തൃശൂരില് നിയന്ത്രണംതെറ്റിയ ബൈക്ക് മരത്തില് ഇടിച്ച് അപകടം; ബന്ധുക്കളായ യുവാക്കള്ക്ക് ദാരുണാന്ത്യം
ബൈക്ക് മരത്തില് ഇടിച്ച് അപകടം; യുവാക്കള്ക്ക് ദാരുണാന്ത്യം
By : സ്വന്തം ലേഖകൻ
Update: 2026-01-16 02:54 GMT
തൃശ്ശൂര്: മാള അണ്ണല്ലൂരില് നിയന്ത്രണംതെറ്റിയ ബൈക്ക് മരത്തില് ഇടിച്ച് രണ്ട് പേര് മരിച്ചു. ചാലക്കുടി കൂര്ക്കമറ്റം സ്വദേശികളായ പടിഞ്ഞാക്കര വീട്ടില് നീല് ഷാജു (19), അലന് ഷാജു(19) എന്നിവരാണ് മരിച്ചത്. ഇരുവരും ബന്ധുക്കളാണ്.
വ്യാഴാഴ്ച രാത്രി 11.30 ഓടെയായിരുന്നു അപകടം. ഉടനെതന്നെ ഇരുവരെയും ആശുപത്രിയില് എത്തിച്ചെങ്കിലും രക്ഷിക്കാനായില്ല. നീല് ഷാജു ബംഗലുരുവില് ഹോട്ടല് മാനേജ്മെന്റ് വിദ്യാര്ഥിയാണ്. അലന് ഷാജു പുല്ലൂറ്റ് ഐടിസി വിദ്യാര്ഥിയാണ്.