'കെ. മുരളീധരനെ കൂടെനിന്ന് കുഴിച്ചുമൂടി; പത്മജയെ തോല്പ്പിച്ച് പുറത്താക്കി'; ടി.എന്. പ്രതാപനെതിരെ തൃശൂര് നഗരമധ്യത്തില് പോസ്റ്ററുകള്
By : സ്വന്തം ലേഖകൻ
Update: 2026-03-10 14:53 GMT
തൃശൂര്: മുന് എംപി ടി.എന്. പ്രതാപനെതിരെ തൃശൂര് നഗരമധ്യത്തില് പോസ്റ്ററുകള്. പ്രസ് ക്ലബിന്റെ ചുവരിലാണ് 'സേവ് കോണ്ഗ്രസ്' എന്ന പേരില് പോസ്റ്ററുകള് പതിപ്പിച്ചിരിക്കുന്നത്.
കെ. കരുണാകരന്റെ കുടുംബത്തെ ചതിച്ച 'യൂദാസ്' ആണ് പ്രതാപനെന്നും അദ്ദേഹത്തിന് മാപ്പില്ലെന്നും പോസ്റ്ററുകളില് പറയുന്നു. തൃശൂരിലെ കോണ്ഗ്രസിനെ തകര്ക്കുന്ന കാലനാണ് പ്രതാപനെന്ന കടുത്ത ഭാഷയിലുള്ള വിമര്ശനങ്ങളും പോസ്റ്ററുകളിലുണ്ട്.
ലീഡറുടെ കുടുംബത്തോട് പ്രതാപന് എന്തിനാണ് ഇത്ര പകയെന്നും, പത്മജ വേണുഗോപാലിനെ തോല്പ്പിച്ച് പാര്ട്ടിയില് നിന്ന് പുറത്താക്കിയെന്നും പോസ്റ്ററില് കുറ്റപ്പെടുത്തുന്നു. കെ. മുരളീധരനെ കൂടെനിന്ന് കുഴിച്ചുമൂടി എന്നും പോസ്റ്ററിലെ വരികളില് പറയുന്നു. സേവ് കോണ്ഗ്രസ് എന്ന പേരില് പതിപ്പിച്ച പോസ്റ്ററുകള്ക്ക് പിന്നില് ആരാണെന്ന് വ്യക്തമല്ല.