ഉത്സവത്തോടനുബന്ധിച്ച് ദീപാലങ്കാര ലൈറ്റ് സ്ഥാപിക്കുന്നതിനിടെ ഷോക്കേറ്റു; യുവാവിന് ദാരുണാന്ത്യം

തിരുവനന്തപുരം: ക്ഷേത്രോത്സവത്തോടനുബന്ധിച്ച് ദീപാലങ്കാര ലൈറ്റ് സ്ഥാപിക്കുന്നതിനിടെ വൈദ്യുതാഘാതമേറ്റ് യുവാവ് മരിച്ചു. തിരുവനന്തപുരം പാലോട് ഇന്ന് പുലര്‍ച്ചെ മൂന്ന് മണിയോടെയായിരുന്നു അപകടം. പഴവിള സ്വദേശി സനു (34) ആണ് മരിച്ചത്. നന്ദിയോട് പച്ച ക്ഷേത്രത്തിലെ ഉത്സവത്തോടനുബന്ധിച്ച് പ്രദേശത്ത് ദീപാലങ്കാരങ്ങള്‍ സ്ഥാപിക്കുന്നത് പുരോഗമിക്കുകയാണ്. ലൈറ്റ് സ്ഥാപിക്കുന്നതിനിടെ സനുവിന് വൈദ്യുതാഘാതമേല്‍ക്കുകയായിരുന്നു. സംഭവത്തില്‍ പാലോട് പൊലീസ് കേസെടുത്ത് അന്വേഷണം ആരംഭിച്ചു.