പട്ടാപ്പകല്‍ യുവതിയെ പീഡിപ്പിക്കാൻ ശ്രമം; അതിക്രമം കടയില്‍നിന്ന് സാധനങ്ങള്‍ വാങ്ങി വീട്ടിലേക്ക് മടങ്ങവേ; യുവതിക്ക് രക്ഷകനായത് ബൈക്ക് യാത്രികൻ; ഒഡിഷ സ്വദേശി പിടിയിൽ
കൊച്ചി: അങ്കമാലി തുറവൂരില്‍ റോഡില്‍വച്ച് പട്ടാപ്പകല്‍ യുവതിയെ പീഡിപ്പിക്കാൻ ശ്രമിച്ചയാൾ പിടിയിൽ. ഒഡിഷ സ്വദേശി സന്തനൂര്‍ ബിസ്വാലയെയാണ് പോലീസ് അറസ്റ്റ് ചെയ്തത്. ഇക്കഴിഞ്ഞ ദേശീയ പൊതുപണിമുടക്ക് ദിവസമായിരുന്നു സംഭവം. കടയില്‍നിന്ന് സാധനങ്ങള്‍ വാങ്ങി വീട്ടിലേക്ക് മടങ്ങുകയായിരുന്ന യുവതിയെയാണ് ഇയാൾ പീഡിപ്പിക്കാന്‍ ശ്രമിച്ചത്. ബൈക്ക് യാത്രിക്കാരനാണ് യുവതിയെ രക്ഷിച്ചത്.
പൊതുപണിമുടക്ക് ദിവസമായിരുന്നതിനാല്‍ റോഡില്‍ ആളുകള്‍ കുറവായിരുന്നു. ഈ അവസരം മുതലെടുത്താണ് പ്രതി യുവതിക്ക് നേരെ അതിക്രമം കാട്ടിയത്. കടയില്‍നിന്ന് സാധനങ്ങള്‍ വാങ്ങി വീട്ടിലേക്ക് മടങ്ങുകയായിരുന്ന യുവതിക്ക് നേരേയാണ് അതിക്രമം ഉണ്ടായത്.
ഈ സമയത്ത് അതുവഴി പോയിരുന്ന ബൈക്ക് യാത്രക്കാരനാണ് യുവതിക്ക് രക്ഷകനായത്. ബൈക്ക് യാത്രികന്‍ പ്രതിയെ തടഞ്ഞു വയ്ക്കുകയും നാട്ടുകാരെ വിവരമറിയിക്കുകയുംചെയ്തു. തുടര്‍ന്ന് പ്രതിയെ നാട്ടുകാര്‍ പോലീസിന് കൈമാറുകയായിരുന്നു.