കോഴിക്കോട് പയ്യോളിയില്‍ ഫുട്ബോള് താരമായ എട്ടാം ക്ലാസ് വിദ്യാര്‍ത്ഥിക്ക് ക്രൂരമര്‍ദനം; കര്‍ണ്ണപുടം തകര്‍ന്നു
കോഴിക്കോട് പയ്യോളിയില്‍ ഫുട്ബോള് താരമായ എട്ടാം ക്ലാസ് വിദ്യാര്‍ത്ഥിക്ക് ക്രൂരമര്‍ദനം; കര്‍ണ്ണപുടം തകര്‍ന്നു
By : സ്വന്തം ലേഖകൻ
Update: 2025-02-18 04:34 GMT
കോഴിക്കോട്: പയ്യോളിയില്‍ ഫുട്ബോള് താരമായ എട്ടാം ക്ലാസുകാരന് ക്രൂര മര്‍ദനം. ഫുട്ബോള് പരിശീലനം കഴിഞ്ഞ് വീട്ടിലേക്ക് മടങ്ങിയ കുട്ടിയെ മറ്റൊരു സ്‌കൂളിലെ വിദ്യാര്‍ത്ഥികള്‍ ആക്രമിക്കുക ആയിരുന്നു. മര്‍ദനത്തില്‍ കുട്ടിയുടെ കര്‍ണ്ണപുടം തകര്‍ന്നു. രണ്ടാഴ്ച മുമ്പാണ് സംഭവം നടന്നതെങ്കിലും ഇപ്പോഴാണ് വിവരം പുറത്തുവന്നത്.
ഡോക്ടര്‍മാര്‍ കുട്ടിക്ക് മൂന്ന് മാസത്തേക്ക് വിശ്രമം നിര്‍ദേശിച്ചിരിക്കുകയാണ്. രണ്ട് സ്‌കൂളുകളിലെയും വിദ്യാര്‍ത്ഥികള്‍ തമ്മില്‍ നേരത്തേ തര്‍ക്കമുണ്ടായിരുന്നു. സംഭവത്തില്‍ പൊലീസ് നടപടി സ്വീകരിക്കാന്‍ വൈകിയെന്ന് കുട്ടിയുടെ കുടുംബം ആരോപിച്ചു. എസ്പിക്ക് പരാതി നല്‍കിയ ശേഷമാണ് പൊലീസ് കേസെടുക്കാന്‍ പോലും തയ്യാറായതെന്നും കുട്ടിയുടെ അമ്മ പറഞ്ഞു.