ബോയ്സ് ഹോസ്റ്റലിൽ ഒരു സർപ്രൈസ് പാഴ്സൽ; രഹസ്യ വിവരത്തെ തുടർന്ന് പരിശോധന; ലഹരിമരുന്ന് സൂക്ഷിച്ചിരുന്നത് മിഠായി രൂപത്തിൽ; 105 എണ്ണം പിടിച്ചെടുത്തു; മൂന്ന് പേരെ പൊക്കി പോലീസ്

തിരുവനന്തപുരം: മിഠായി രൂപത്തിൽ ലഹരിമരുന്നുമായി മൂന്ന് തമിഴ്നാട് സ്വദേശികൾ പിടിയിലായി. നെടുമങ്ങാട് ആണ് സംഭവം നടന്നത്. പ്രശാന്ത്, ഗണേഷ്, മാർഗ എന്നിവരാണ് കേസിൽ അറസ്റ്റിലായത്. തിരുവനന്തപുരം റൂറൽ എസ്പിക്ക് കിട്ടിയ രഹസ്യ വിവരത്തെ തുടർന്ന് ഡാൻസഫ് സംഘമാണ് ഇവരെ അറസ്റ്റ് ചെയ്തത്.

വട്ടപ്പാറയിലുള്ള സ്വകാര്യ ബോയ്സ് ഹോസ്റ്റലിൽ അഡ്രസിലാണ് പാഴ്സൽ എത്തിയത്. ഈ പാഴ്സൽ വാങ്ങിയ 3 പേരെയാണ് നെടുമങ്ങാട് പോലീസ് അറസ്റ്റ് ചെയ്തത്. ഇന്നലെ രാത്രി 8 മണിയോടെയാണ് ഇവരെ അറസ്റ്റ് ചെയ്തത്.

105 മിഠായികളാണ് പാഴ്സൽ കവറിൽ ഉണ്ടായിരുന്നതെന്ന് പോലീസ് വ്യക്തമാക്കി. ഈ മിഠായിയിൽ ടെട്രാ ഹൈഡ്രോ കനാമിനോൾ എന്ന ലഹരി വസ്തു ഉണ്ടെന്നും പോലീസ് വെളിപ്പെടുത്തി. വരും ദിവസങ്ങളിൽ പരിശോധന ശക്തമാക്കുമെന്നും പോലീസ് അറിയിച്ചു.