മകരവിളക്ക്‌ തീർത്ഥാടനം കൂടുതൽ സുഗമമാക്കണം; പത്തനംതിട്ട ജില്ലയിൽ ടിപ്പർ ലോറികൾ നിരോധിച്ചു; നിയന്ത്രണം ഈ ദിവസം മുതൽ; ഉത്തരവിറക്കി ജില്ലാ കളക്ടർ

പത്തനംതിട്ട: ഈ വർഷത്തെ ശബരിമല തീർത്ഥാടനം വലിയ വിവാദങ്ങൾ ഒന്നുമില്ലാതെ വളരെ നല്ല രീതിയിലാണ് അവസാനിച്ചത്. ഇക്കൊല്ലവും വിവിധ സംസ്ഥാനങ്ങളിൽ നിന്നും നിരവധി തീർത്ഥാടകർ ആണ് അയ്യപ്പനെ കാണാൻ സന്നിധാനത്ത് എത്തിയത്. ഇനി ഈ മാസത്തെ മകരവിളക്ക് മഹോൽത്സാവത്തോടു കൂടി ശബരിമല തീർഥാടനം പരിവസാനിക്കും.

മകരവിളക്ക് തീർത്ഥാടനത്തിൻ്റെ തിരക്ക് പരിഗണിച്ച് പത്തനംതിട്ട ജില്ലയിൽ ടിപ്പർ ലോറികൾ നിരോധിച്ച് ജില്ലാ കളക്ടർ. ശബരിമലയിലെ തിരക്ക് പരി​ഗണിച്ച് ജനുവരി 13 മുതൽ 15 വരെ എല്ലാതരം ടിപ്പർ ലോറികളുടെയും ഗതാഗതം പത്തനംതിട്ട ജില്ലയിൽ നിരോധിച്ചുവെന്ന് കളക്ടർ വാർത്താകുറിപ്പിൽ അറിയിച്ചു.

ജില്ലയിൽ ഗതാഗത ക്രമീകരണവും വാഹനങ്ങളുടെ നിയന്ത്രണവുമുണ്ട്. തീർത്ഥാടകരുടെ സുരക്ഷയ്ക്കായാണ് നിയന്ത്രണമെന്നും കുറിപ്പിൽ വ്യക്തമാക്കുന്നു.