കെഎസ്ആര്‍ടിസി ബസില്‍ കഞ്ചാവ് കടത്താന്‍ ശ്രമം; രണ്ട് യുവതികള്‍ പിടിയില്‍; പിടിയിലായത് ഒഡീഷ സ്വദേശികള്‍; കണ്ടെടുത്തത് ഏഴ് കിലോ കഞ്ചാവ്
പെരുമ്പാവൂര്‍: നിയമവിരുദ്ധ ലഹരി കടത്തിനിടെ വനിതകള്‍ പോലീസ് പിടിയിൽ. ഒഡീഷ സ്വദേശികളായ സ്വര്‍ണലതയും ഗീതാഞ്ജലി ബഹ്റയും കഞ്ചാവുമായി യാത്ര ചെയ്യുന്നതിനിടെയാണ് പൊലീസ് വലയിലായത്. ഇവരുടെ കൂടെ നാല് വയസ്സുള്ള ആണ്‍കുട്ടിയുമുണ്ടായിരുന്നുവെന്ന് പൊലീസിന്‍റെ റിപ്പോര്‍ട്ടില്‍ പറയുന്നു.
പുലര്‍ച്ചെ നാലു മണിയോടെയാണ് പെരുമ്പാവൂര്‍ എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘവും കാലടി പൊലീസ് സ്‌റ്റേഷനിലെ ഉദ്യോഗസ്ഥരും ചേര്‍ന്ന് പ്രതികളെ കെഎസ്ആര്‍ടിസി ബസില്‍ നിന്നു പിടികൂടിയത്. ഇവരുടെ പക്കല്‍ നിന്ന് പിടിച്ചെടുത്തത് ഏഴ് കിലോഗ്രാം കഞ്ചാവാണ്.
ബാഗ് പൂട്ടിയ നിലയില്‍ പ്രത്യേകമായി പൊതിഞ്ഞ് ഒഡീഷയില്‍ നിന്ന് കടത്തിയ ലഹരിദ്രവ്യമാണ് ഇവര്‍ കൊണ്ടുവന്നത്. ഇതിനായി പെരുമ്പാവൂര്‍ വഴി ഉള്ള യാത്ര തിരഞ്ഞെടുത്തതും സമാനമായ നാടകീയമായ തട്ടിപ്പുകളുടെ ഭാഗമായിരുന്നുവെന്ന് അന്വേഷണ സംഘം പറഞ്ഞു. ഇവര്‍ മുന്‍പും കഞ്ചാവ് കടത്തിയിട്ടുണ്ടെന്നും രഹസ്യവിവരത്തെ തുടര്‍ന്നാണ് പൊലീസ് നിരീക്ഷണത്തിലെടുത്തതെന്നുമാണ് വിശദീകരണം.
അന്വേഷണ സംഘത്തില്‍ എസ്‌ഐമാരായ ജോസി ജോണ്‍, ഉണ്ണി, ഷാജി, എഎസ്ഐ അബ്ദുല്‍ മനാഫ്, എസ്സിപിഒമാരായ അഫ്സല്‍, വര്‍ഗീസ് വേണാട്ട്, ബെന്നി ഐസക്, ആരിഷ് അലിയാര്‍, ഷിജോ പേള്‍ എന്നിവരും ഉണ്ടായിരുന്നു. സംഭവത്തില്‍ കൂടുതല്‍ പ്രതികളുണ്ടാകാമെന്ന സംശയത്തിന്റെ അടിസ്ഥാനത്തില്‍ അന്വേഷണം നീട്ടി കൊണ്ടിരിക്കുകയാണ്.