എംഡിഎംഎ ലഹരിമരുന്നുമായി ബൈക്കില്‍ യാത്ര ചെയ്ത രണ്ട് യുവാക്കള്‍ പിടിയില്‍; ലഹരി വസ്ത്രത്തില്‍ ഒളിപ്പിച്ച നിലയില്‍
പുനലൂര്‍ (കൊല്ലം): എംഡിഎംഎ ലഹരിമരുന്നുമായി ബൈക്കില്‍ യാത്ര ചെയ്ത രണ്ട് യുവാക്കള്‍ പുനലൂരില്‍ പോലീസ് പിടികൂടി. പുനലൂര്‍ പ്ലാച്ചേരി കലയനാട് രേവതിയിലെ സായുഷ്ദേവ് (24), മണിയാര്‍ പരവട്ടം സുധീഷ് ഭവനിലെ കെ. സുമേഷ് (24) എന്നിവരാണ് പിടിയിലായത്. കഴിഞ്ഞ രാത്രി പരവട്ടം ജങ്ഷനില്‍ നടത്തിയ പരിശോധനയ്ക്കിടെയാണ് ഇവരെ അറസ്റ്റ് ചെയ്തത്. വസ്ത്രത്തില്‍ ഒളിപ്പിച്ച നിലയില്‍ നാലു ഗ്രാം എംഡിഎംഎ ഇവരില്‍നിന്ന് പിടികൂടിയതായി പുനലൂര്‍ എസ്എച്ച്ഒ ടി. രാജേഷ്‌കുമാര്‍ അറിയിച്ചു. ലഹരിമരുന്ന് കടത്തുന്നതിനായി ഉപയോഗിച്ചിരുന്ന ബൈക്കും പോലീസ് പിടിച്ചെടുത്തു.
അറസ്റ്റില്‍ ഡാന്‍സാഫ് (ജില്ലാ ആന്റി നാര്‍കോട്ടിക് സ്പെഷല്‍ ഫോഴ്സ്) സംഘവും പുനലൂര്‍ പോലീസും ചേര്‍ന്നാണ് നടപടി സ്വീകരിച്ചത്. സംഘം നയിച്ച പൊലീസ് പരിശോധനയില്‍ എസ്ഐ എം.എസ്. അനീഷ്, സിവില്‍ ഓഫീസര്‍മാരായ ജെസ്നോ കുഞ്ഞച്ചന്‍, ഗിരീഷ് തുടങ്ങിയവരും പങ്കെടുത്തു. സംഭവത്തില്‍ കൂടുതല്‍ അന്വേഷണം പുരോഗമിക്കുകയാണ്. ലഹരിക്കടത്ത് തടയുന്നതിന് പോലീസ് ശക്തമായ നിരീക്ഷണത്തിലാണെന്നും, കുറ്റവാളികള്‍ക്കെതിരെ കഠിന നടപടി സ്വീകരിക്കുമെന്നും അധികൃതര്‍ വ്യക്തമാക്കി.