എക്സൈസിനെ കണ്ട് ഒന്ന് പരുങ്ങി; പിടിച്ച് മാറ്റി നിർത്തി പരിശോധിച്ചു; മെത്താംഫിറ്റമിനുമായി രണ്ടുപേരെ കൈയ്യോടെ പൊക്കി; സംഭവം തിരുവനന്തപുരത്ത്

തിരുവനന്തപുരം: തിരുവനന്തപുരത്ത് മാരക ലഹരിവസ്തുക്കളുമായി രണ്ട് യുവാക്കളെ പിടികൂടി. വട്ടിയൂർക്കാവ് സ്വദേശി അൽബെസ്സി(30), വിതുര ആനപ്പാറ സ്വദേശി ജിജോ ജോസ്(31) എന്നിവരാണ് വിവിധ കേസുകളിലായി അറസ്റ്റിലായത്.

അൽബെസ്സിയിൽ നിന്നും 2.40 ഗ്രാം മെത്താംഫിറ്റമിനും ജിജോയുടെ കൈയ്യിൽ നിന്നും 0.91.91ഗ്രാം മെത്താംഫിറ്റമിനുമാണ് പിടിച്ചെടുത്തത്. നഗരത്തിൽ വിൽപ്പന നടത്താായി ബൈക്കിൽ വരവെയാണ് ഇരുവരെയും എക്സൈസ് കൈയ്യോടെ പൊക്കിയത്.

ക്രിസ്മസ് - പുതുവത്സര സ്പെഷ്യൽ ഡ്രൈവുമായി ബന്ധപ്പെട്ട് നടത്തിയ പരിശോധനക്കിടെയാണ് യുവാക്കൾ എക്സൈസിന് മുന്നിൽ പെട്ടത്. സംശയം തോന്നി ഇരുവരേയും വിശദമായി പരിശോധിച്ചപ്പോഴാണ് പോക്കറ്റിൽ ഒളിപ്പിച്ച മയക്കുമരുന്ന് പിടിച്ചെടുത്തതെന്ന് എക്സൈസ് സംഘം വ്യക്തനാക്കി.

തിരുവനന്തപുരം എക്സൈസ് എൻഫോഴ്‌സ്‌മെന്റ് & ആന്റി നാർക്കോട്ടിക് സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ എ.പി.ഷാജഹാനും പാർട്ടിയും ചേർന്നാണ് മയക്കുമരുന്ന് പിടിച്ചെടുത്തത്.