കോഴിക്കോട് ഒഴുക്കിൽപ്പെട്ട് യുവതി മരിച്ചു; അപകടം തോട്ടിൽ അലക്കിക്കൊണ്ടിരിക്കെ ഉണ്ടായ മലവെള്ളപ്പാച്ചിലിൽ

കോഴിക്കോട്: തോട്ടിലെ ഒഴുക്കിൽപ്പെട്ട് യുവതി മരിച്ചതായി റിപ്പോർട്ടുകൾ. കോഴിക്കോട് അടിവാരം പൊട്ടികൈയിൽ തോട്ടിൽ അലക്കിക്കൊണ്ടിരിക്കുന്ന യുവതിയാണ് ഒഴുക്കിൽപ്പെട്ടത്. അടിവാരം സ്വദേശി സജ്നയാണ് മരിച്ചത്.

തോട്ടിലിരുന്ന് അലക്കിക്കൊണ്ടിരിക്കെ പെടുന്നനെ ഉണ്ടായ മലവെള്ളപ്പാച്ചിലിൽ യുവതി കുടുങ്ങുകയായിരുന്നു. ഉടനെ തന്നെ വിവരം അറിഞ്ഞ് എത്തിയ നാട്ടുകാർ സജ്‌നയ്ക്കായി തിരച്ചിൽ നടത്തി. പക്ഷെ ഒടുവിൽ മൂന്ന് കിലോമീറ്റർ അകലെ നിന്നും മൃതദേഹം കണ്ടെത്തുകയായിരുന്നു.

സജ്‌നയ്ക്ക് ഒപ്പമുണ്ടായിരുന്ന മറ്റൊരു യുവതി അപകടത്തിൽ നിന്ന് അത്ഭുതകരമായി രക്ഷപ്പെട്ടു. ഉടൻ തന്നെ ഇവരാണ് സജ്ന ഒഴുക്കിൽപെട്ട വിവരം നാട്ടുകാരെ അറിയിക്കുന്നത്. ശേഷം സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു.