ട്രെയിൻ ഇടിച്ച് വിദ്യാർത്ഥിനിക്ക് ദാരുണാന്ത്യം; അപകടം റെയിൽവേ സ്റ്റേഷനിൽ വച്ച്; സംഭവം കൊല്ലത്ത്

കൊല്ലം: റെയിൽവേ സ്റ്റേഷനിൽ വച്ച് ട്രെയിൻ തട്ടി പ്ലസ് വൺ വിദ്യാർത്ഥിനിക്ക് ദാരുണാന്ത്യം. കൊല്ലം മയ്യനാട്ടിലാണ് സംഭവം നടന്നത്.

ചാത്തന്നൂർ സ്വദേശിനി എ ദേവനന്ദ ആണ് അപകടത്തിൽ മരിച്ചത്. മയ്യനാട് ഹയർ സെക്കൻഡറി സ്കൂളിലെ പ്ലസ് വൺ വിദ്യാർത്ഥിനിയാണ് ദേവനന്ദ.

രണ്ടാം നമ്പർ പ്ലാറ്റ്ഫോമിലൂടെ വന്ന തിരുവനന്തപുരത്തേക്ക് പോയ നേത്രാവതി എക്സ്പ്രസാണ് വിദ്യാർത്ഥിനിയെ ഇടിച്ചുതെറിപ്പിച്ചത്.