തിരുവനന്തപുരത്ത് മദ്യപാനത്തെ തുടര്‍ന്ന് തർക്കം; യുവാവിനെ നടുറോഡിലിട്ട് വെട്ടി; ഒരാൾക്ക് ഗുരുതര പരിക്ക്; ദൃശ്യങ്ങൾ പുറത്ത്

തിരുവനന്തപുരം: കാവറയിൽ മദ്യപാനത്തെ തുടർന്നുണ്ടായ തകർക്കത്തിനിടെ യുവാവിനെ നടുറോഡിലിട്ട് വെട്ടിപരിക്കേൽപ്പിച്ചു. തിരുവനന്തപുരം വെഞ്ഞാറമൂട്ടിലാണ് സംഭവം നടന്നത്. ഓട്ടോഡ്രൈവറായ രഞ്ജിത്തിനാണ് ആക്രമണത്തിൽ പരിക്കേറ്റത്. പച്ചക്കറി കച്ചവടക്കാരനായ പ്രസാദ് എന്നയാളാണ് രഞ്ജിത്തിനെ ആക്രമിച്ചതെന്നാണ് ലഭിക്കുന്ന വിവരങ്ങൾ.

ആക്രമണത്തിന്റെ സിസിടിവി ദൃശ്യങ്ങൾ പുറത്തുവന്നു. രഞ്ജിത്തിന്‍റെ കഴുത്തിലും നെഞ്ചിലും വെട്ടേറ്റത്. ഇയാൾ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുകയാണ്.

അതേസമയം, പോലീസിൽ പരാതി ലഭിച്ചിട്ടില്ല. രണ്ടു പേര്‍ ചേര്‍ന്ന് പരസ്പരം ആക്രമിക്കുന്നതും ഇതിനിടെ ഒരു സ്ത്രീ വന്ന് തടയാൻ ശ്രമിക്കുന്നതുമാണ് സിസിടിവി ദൃശ്യത്തിൽ ഉള്ളത്.