ബെര്മുഡ ട്രയാംഗിളിന്റെ നിഗൂഢതകള് മായുന്നില്ല! ബെര്മുഡയുടെ അടിയില് മറഞ്ഞിരിക്കുന്ന ഒരു ഭീമന് ഘടന ശാസ്ത്രജ്ഞരെയും അമ്പരപ്പിക്കുന്നു; ഇത്രയും കട്ടിയുള്ള ഒരു ഘടന ഇതിനുമുമ്പ് കണ്ടെത്തിയിട്ടില്ലെന്ന് ഗവേഷണ സംഘം
ബെര്മുഡ ട്രയാംഗിളിന്റെ നിഗൂഢതകള് മായുന്നില്ല! ബെര്മുഡയുടെ അടിയില് മറഞ്ഞിരിക്കുന്ന ഒരു ഭീമന് ഘടന ശാസ്ത്രജ്ഞരെയും അമ്പരപ്പിക്കുന്നു
ബെര്മുഡ ട്രയാങ്കിള് എല്ലാ കാലത്തും മനുഷ്യരെ അതിശയിപ്പിക്കുകയും ഭയപ്പെടുത്തുകയും ചെയ്തിട്ടുള്ള ഇരു സ്ഥലമാണ്. എന്നാല് ഇപ്പോള് ശാസ്ത്രജ്ഞന്മാരെ അമ്പരപ്പിക്കുന്നത് ഇതിന്റെ അടിയില് മറഞ്ഞിരിക്കുന്ന ഒരു ഭീമന് നിര്മ്മിതിയാണ്. ലോകത്തിലെ ഏറ്റവും വലിയ നിഗൂഢതകളില് ഒന്നായിരിക്കാം ബെര്മുഡ ട്രയാംഗിള്, പക്ഷേ ഇപ്പോള് കണ്ടെത്തിയ അതിനടിയിലെ ഒരു വലിയ ശിലാ ഘടന ഗവേഷകരെ അമ്പരപ്പിച്ചിരിക്കുകയാണ്.
ഇത് 20 കിലോമീറ്റര് താഴെ സമുദ്രത്തിന്റെ പുറംതോടിനടിയിലാണ് സ്ഥിതിചെയ്യുന്നത്. ഇത്രയും കട്ടിയുള്ള ഒരു ഘടന ഇതിനുമുമ്പ് കണ്ടെത്തിയിട്ടില്ലെന്നാണ് ഗവേഷണ സംഘം പറയുന്നത്. എന്നാല് അതിനിഗൂഡമായ ഈ ദ്വീപിനെക്കുറിച്ചുള്ള ഏറ്റവും വലിയ ചോദ്യങ്ങളിലൊന്നിന് ഉത്തരം നല്കാന് പുതിയ കണ്ടെത്തല് സഹായിക്കുമെന്നാണ് അവര് പറയുന്നത്. ഓഷ്യാനിക്ക് സ്വല് എന്നറിയപ്പെടുന്ന സമുദ്ര പുറംതോടിന്റെ ഉയര്ന്ന പ്രദേശത്താണ് ബെര്മുഡ ട്രയാങ്കിള് സ്ഥിതി ചെയ്യുന്നത്.
ഇത് ചുറ്റുമുള്ള പ്രദേശത്തിന് മുകളില് ഉയര്ന്നു നില്ക്കുകയാണ്. ഈ രൂപങ്ങള് സാധാരണയായി അഗ്നിപര്വ്വത പ്രവര്ത്തനങ്ങളുമായി ബന്ധപ്പെട്ടിരിക്കുന്നു. എന്നാല് ബെര്മുഡയുടെ വിചിത്രമായ ഭൂമിശാസ്ത്രത്തിന് കാരണം ഒരു അഗ്നിപര്വ്വതമാണെന്ന് കാണിക്കുന്നതിന് തെളിവുകളൊന്നുമില്ല. 31 ദശലക്ഷം വര്ഷത്തിലേറെയായി ദ്വീപില് ഒരു പൊട്ടിത്തെറിയും ഉണ്ടായിട്ടില്ല. പുതിയ കണ്ടെത്തല് സൂചിപ്പിക്കുന്നത് അവസാന സ്ഫോടനം ഉരുകിയ പാറ പുറംതോടിലേക്ക് എത്തിച്ചിരിക്കാം.
അത് അവിടെ മരവിച്ച ശേഷം ദ്വീപിനെ കടലില് നിന്ന് 500 മീറ്റര് ഉയര്ത്തി എന്നാണ്. ജിയോഫിസിക്കല് റിസര്ച്ച് ലെറ്റേഴ്സ് ജേണലില് പ്രസിദ്ധീകരിച്ച ഒരു പ്രബന്ധത്തില്, ഗവേഷകര് ബെര്മുഡയിലെ ഒരു ഭൂകമ്പ കേന്ദ്രത്തില് നിന്നുള്ള റെക്കോര്ഡിംഗുകള് പരിശോധിച്ചു. ദ്വീപിന് അമ്പത് കിലോമീറ്റര് താഴെയുള്ള പാറയിലൂടെ കടന്നുപോകുമ്പോള് ശക്തവും എന്നാല് അകലെയുമുള്ള ഭൂകമ്പങ്ങളുടെ കടന്നുപോകല് അവര് കണ്ടെത്തി. ഈ ഭൂകമ്പ തരംഗങ്ങള് അപ്രതീക്ഷിതമായി ഗതി മാറിയ സ്ഥലം പരിശോധിച്ചപ്പോള്, ഗവേഷകര് വിചിത്രമായി കട്ടിയുള്ള പാറ പാളി കണ്ടെത്തി.
ബെര്മുഡയില്, പുറംതോടിനു താഴെ, ബെര്മുഡ സ്ഥിതി ചെയ്യുന്ന ടെക്റ്റോണിക് പ്ലേറ്റിനുള്ളില് മറ്റൊരു പാളി സ്ഥാപിച്ചിരിക്കുന്നു. ജിയോളജിസ്റ്റുകളെ സംബന്ധിച്ചിടത്തോളം, ഇത് ബെര്മുഡയുടെ ഏറ്റവും വലിയ നിഗൂഢത ഭേദിക്കുന്നതിനുള്ള ഒരു പ്രധാന ചുവടുവയ്പ്പായി മാറാന് സാധ്യതയുണ്ട്. വിശദീകരിക്കാനാകാത്ത കപ്പലുകളുടെയും വിമാനങ്ങളുടെയും തിരോധാനങ്ങളുടെ രേഖയ്ക്ക് ബെര്മുഡ പ്രശസ്തമാണെങ്കിലും, ശാസ്ത്രജ്ഞര് ആകാംക്ഷയോടെ നോക്കുന്നത് അതിനടിയിലെ ശിലാഘടന എന്തുകൊണ്ട് നിലനില്ക്കുന്നു എന്നതാണ്.
മാന്റില് നിന്നുള്ള ചൂടുള്ള ഉരുകിയ പാറ ഉപരിതലത്തിലേക്ക് ഉയരുന്ന സ്ഥലങ്ങള്ക്ക് മുകളിലുള്ള അഗ്നിപര്വ്വത പ്രവര്ത്തനങ്ങള് മൂലമാണ് ഹവായ് പോലുള്ള ദ്വീപ് ശൃംഖലകള് സാധാരണയായി രൂപം കൊള്ളുന്നത്. മുന് ഗവേഷണങ്ങള് ബെര്മുഡയിലെ പഴയ ലാവയില് സിലിക്കണ് കുറവാണെന്ന് കണ്ടെത്തി. ഇത് കാര്ബണിന്റെ അളവ് വളരെ കുറവുള്ള ഭൂമിയുടെ ഒരു പാളിയില് നിന്നാണ് വന്നതെന്ന് സൂചിപ്പിക്കുന്നു. ലോകമെമ്പാടുമുള്ള മറ്റ് ദ്വീപുകളിലും സമാനമായ പാളികള് ഉണ്ടോ, അല്ലെങ്കില് ബര്മുഡ യഥാര്ത്ഥത്തില് അദ്വിതീയമാണോ എന്നറിയാന് ഗവേഷകര് ഇപ്പോള് പരിശോധിക്കുകയാണ്.
ബെര്മുഡ ട്രയാംഗിള് എന്നറിയപ്പെടുന്ന പ്രദേശത്ത് ഇത്രയധികം കപ്പലുകള് ഒരു തുമ്പും കൂടാതെ അപ്രത്യക്ഷമാകുന്നത് എന്തുകൊണ്ടാണെന്നതാണ് ബെര്മുഡയുടെ കൂടുതല് പ്രശസ്തമാക്കിയ രഹസ്യം. ഇതിന് പൂര്ണ്ണമായും സ്വാഭാവികവും ശാസ്ത്രീയവുമായ ഒരു വിശദീകരണം ഉണ്ടായിരിക്കാമെന്നാണ് ശാസ്ത്രജ്ഞര് ഇപ്പോള് പറയുന്നത്.