സൂചി കുത്താൻ പോലും ഇടമില്ലാത്തത്ര തിരക്ക്; സീറ്റിലിരുന്ന പുരുഷനും സ്ത്രീയും പരസ്പരം ചുംബിക്കുകയും കെട്ടിപ്പിടിക്കുകയും ചെയ്യുന്നു; ആദ്യമത് കാര്യമാക്കിയില്ല; പിന്നാലെ ഇരുവരുടെയും പെരുമാറ്റത്തിന്റെ തീവ്രത കൂടി; ആ മോശം പ്രവര്‍ത്തി കണ്ടുനിന്നവരുടെ മുഖം വിളറി വെളുക്കാന്‍ തുടങ്ങി; ചോദ്യം ചെയ്ത യുവാവിന് സംഭവിച്ചത്
കൊച്ചി: തിരക്കുള്ള ട്രെയിനിൽ സഞ്ചരിക്കവെ തനിക്കുണ്ടായ അനുഭവം തുറന്ന് പറഞ്ഞ് കണ്ടന്റ് ക്രിയേറ്ററായ അജിനാസ് എന്ന യുവാവ്. എറണാകുളത്ത് നിന്ന് കൊല്ലത്തേക്കുള്ള യാത്രയ്ക്കിടെയാണ് സംഭവം. യാത്രക്കാർക്ക് മുന്നിൽവെച്ച് സ്ത്രീ പുരുഷന് ഓറൽ സെക്സ് ചെയ്തു നൽകിയെന്നും അത് ചോദ്യം ചെയ്ത തനിക്കു നേരെ ഇവർ തട്ടിക്കയറിയതായും യുവാവ് സമൂഹ മാധ്യമത്തിലൂടെ പങ്കുവെച്ച വീഡിയോയിൽ പറയുന്നു.
തൊട്ടടുത്ത സീറ്റിലിരുന്ന പുരുഷനും സ്ത്രീയും പരസ്പരം ചുംബിക്കുകയും കെട്ടിപ്പിടിക്കുകയും ചെയ്യുന്നത് യുവാവിന്റെ ശ്രദ്ധയിൽപ്പെട്ടു. എന്നാൽ, ദമ്പതികൾ ആയിരിക്കണമെന്ന് കരുതി അയാൾ അത് അവഗണിച്ചു. പിന്നീട് ഇരുവരുടെയും പെരുമാറ്റത്തിന്റെ തീവ്രത വർധിക്കുകയും സ്ത്രീ പുരുഷന് ഓറല്‍ സെക്സ് ചെയതു നല്‍കാന്‍ തുടങ്ങി. ഇതോടെ യുവാവ് ദമ്പതികളെ ചോദ്യം ചെയ്തു. എന്നാല്‍ പുരുഷന് മദ്യലഹരിയിലായിരുന്നു. സ്ത്രീ ചോദ്യം ചെയ്തതിന് പിന്നാലെ തനിക്ക് നേരെ ആക്രോശിക്കാന്‍ തുടങ്ങിയെന്നും അജിനാസ് പറയുന്നു.
തനിക്ക് ചുറ്റുമുണ്ടായിരുന്ന സ്ത്രീകളായ യാത്രക്കാർ ആരും തന്നെ പിന്തുണച്ചില്ലെന്നും, ഒരാൾ കൂടെയുണ്ടായിരുന്നെങ്കിൽ ആ സ്ത്രീയോട് നേരിട്ട് സംസാരിക്കാമായിരുന്നുവെന്നും യുവാവ് കൂട്ടിച്ചേർത്തു. ഇത്തരം അതിക്രമങ്ങൾ പുരുഷൻ നേരിട്ടാൽ അത് തെറ്റായി വ്യാഖ്യാനിക്കപ്പെട്ടേക്കാം എന്നും അദ്ദേഹം വിഡിയോയിൽ സൂചിപ്പിച്ചു. സൂചി കുത്താൻ പോലും ഇടമില്ലാത്തത്ര തിരക്കിനിടെയാണ് സംഭവം നടന്നത്.
യാത്രക്കാരന്‍റെ വാക്കുകള്‍
ഞാന്‍ ഇന്നലെ ട്രെയിനില്‍ എറണാകുളത്ത് നിന്നും കൊല്ലത്തേക്ക് വരുകയായിരുന്നു. സൂചി പോലും കുത്താന്‍ ഇടമില്ലാത്ത അത്ര തിരക്കിലാണ് ആളുകള്‍ നില്‍ക്കുന്നത്. ചുറ്റും കുട്ടികളും സ്ത്രീകളുമൊക്കെയുണ്ട്. തൊട്ടടുത്ത നില്‍ക്കുന്ന രണ്ടുപേര്‍ പരസ്പരം ഉമ്മവയ്ക്കുകയും കെട്ടിപ്പിടിക്കുകയുമൊക്കെ ചെയ്യുന്നുണ്ട്. ഭാര്യാ ഭര്‍ത്താക്കന്‍മാരാകുമ്പോള്‍ ഏത് പൊതുമധ്യത്തിലാണെങ്കിലും സ്നേഹം പ്രകടിപ്പിക്കാനായി അങ്ങനെയൊക്കെ ചെയ്യുന്നത് സ്വാഭാവികമാണ്. അതൊരു പ്രശ്നമേയല്ല. കുറച്ച് കഴിഞ്ഞപ്പോഴേക്കും അതിന്‍റെ തീവ്രത കൂടി വരാന്‍ തുടങ്ങി. ചുറ്റും നില്‍ക്കുന്ന ആളുകളുടെ മുഖം വിളറി വെളുക്കാന്‍ തുടങ്ങി. എങ്ങനെ പ്രതികരിക്കണം എന്ന് അറിയാതെയായി.
ആ സ്ത്രീ നേരെ കുനിഞ്ഞ് ഇരുന്ന് അയാള്‍ക്ക് ഓറല്‍ സെക്സ് ചെയ്തുകൊടുക്കാന്‍ തുടങ്ങി. കണ്ടു കഴിഞ്ഞാല്‍ തൊലിയുരിഞ്ഞ് പോകുന്ന രീതിയിലേക്ക് കാര്യങ്ങളെത്തി. ദീപാവലി സീസണ്‍ ആയതുകൊണ്ട് അത്രയും തിരക്കായിരുന്നു. ഇവരൊക്കെ അതിനകത്ത് കയറിയിട്ട് കാണിക്കുന്ന ഹറാംപിറപ്പ് ഇതൊക്കെയാണ്. അവസാനം അയാളെ തല്ലി. എന്തെങ്കിലും ചെയ്യണമെങ്കില്‍ പുറത്ത് പോയി ചെയ്യാന്‍ പറഞ്ഞു. അയാള്‍ മദ്യപിച്ചിട്ടും ഉണ്ടായിരുന്നു. ആ സ്ത്രീ എന്നെ തല്ലാന്‍ പാകത്തിനാണ് നില്‍ക്കുന്നത്. എല്ലാവരും പറയുന്നു ബസില്‍ പോകുന്ന സ്ത്രീകള്‍ക്ക് ദുരനുഭവം ഉണ്ടാകുന്നെന്ന്. ആ ഒരു പോയിന്‍റില്‍ ഒരു പെണ്‍കുട്ടി എനിക്കൊപ്പം നിന്ന് ആ സ്ത്രിയെ നേരിട്ടിരുന്നെങ്കില്‍ ആ സ്ത്രീയെ ഒതുക്കാമായിരുന്നു. കാരണം ഒരു സ്ത്രീ ആയതുകൊണ്ട് അവരെ നമ്മള്‍ അടിച്ചുകഴിഞ്ഞാല്‍ സ്ത്രീ അമ്മയാണ്, പെങ്ങളാണെന്ന് പറഞ്ഞ് ഓരോരുത്തര് വരും.