ഈജിപ്തിലെ പുരാവസ്തു ഗവേഷകര്‍ കണ്ടെത്തിയത് 3,000 വര്‍ഷം പഴക്കമുള്ള വലിയ കോട്ടയുടെ അവശിഷ്ടങ്ങള്‍; മോശയുടെ ബൈബിള്‍ പരാമര്‍ശങ്ങള്‍ക്ക് പുതിയ തെളിവുകള്‍; ബൈബിളില്‍ വിവരിക്കുന്ന പുറപ്പാടിനെ ശരിവെക്കുന്ന കണ്ടെത്തല്‍
ഈജിപ്തിലെ പുരാവസ്തു ഗവേഷകര്‍ കണ്ടെത്തിയത് 3,000 വര്‍ഷം പഴക്കമുള്ള വലിയ കോട്ടയുടെ അവശിഷ്ടങ്ങള്‍
കൊയ്‌റോ: ഈജിപ്തിലെ പുരാവസ്തു ഗവേഷകര്‍ 3,000 വര്‍ഷം പഴക്കമുള്ള ഒരു വലിയ കോട്ടയുടെ അവശിഷ്ടങ്ങള്‍ കണ്ടെത്തി. ബൈബിളിലെ പുറപ്പാടിനെ കുറിച്ച് പലരും വിശ്വസിക്കുന്ന ഒരു പുരാതന പാതയുടെ സമീപത്താണ് ഇത് കണ്ടെത്തിയത്. വടക്കന്‍ സിനായിയില്‍ അടുത്തിടെ കണ്ടെത്തിയ കോട്ട ഹോറസ് മിലിട്ടറി റോഡിലാണ് സ്ഥിതി ചെയ്യുന്നത്. മോശ ഈജിപ്തില്‍ നിന്ന് ഇസ്രായേല്യരെ നയിച്ചപ്പോള്‍ അവര്‍ ഒഴിവാക്കിയ ചെറിയ പാതയായി ബൈബിളില്‍ വിവരിക്കുന്ന അതേ പാതയാണിത്. സ്ഥലത്തിന്റെ പ്രായം, അളവ്, സ്ഥാനം എന്നിവ എക്സോഡസില്‍ വിവരിച്ചിരിക്കുന്ന ടൈംലൈനും ഭൂമിശാസ്ത്രവുമായി യോജിക്കുന്നു.
ഈജിപ്തിലെ ടൂറിസം, പുരാവസ്തു മന്ത്രാലയം ഈ കണ്ടെത്തല്‍ പ്രഖ്യാപിച്ചിട്ടുണ്ട്. ഹോറസ് റൂട്ടില്‍ ഇതുവരെ കണ്ടെത്തിയതില്‍ വച്ച് ഏറ്റവും വലുതും പ്രധാനപ്പെട്ടതുമായ കോട്ടകളില്‍ ഒന്നാണിതെന്നാണ് കരുതപ്പെടുന്നത്. ഒരുകാലത്ത് ഈജിപ്തിനെ കനാനുമായി ബന്ധിപ്പിച്ചിരുന്ന സൈനിക, വാണിജ്യ മാര്‍ഗമാണ് ഇത്. ബിസി 1550 നും 1070 നും ഇടയില്‍ ഈജിപ്തിന്റെ പുതിയ രാജ്യ കാലഘട്ടത്തില്‍ നിര്‍മ്മിച്ച ഈ കോട്ട. മോശ ജീവിച്ചിരുന്നതായി വിശ്വസിക്കപ്പെടുന്ന സമയത്ത് സാമ്രാജ്യത്തിന്റെ കിഴക്കന്‍ അതിര്‍ത്തിയില്‍ കാവല്‍ നില്‍ക്കുന്ന ശക്തമായ ഒരു ഔട്ട്‌പോസ്റ്റായിരുന്നുവെന്ന് പുരാവസ്തു ഗവേഷകര്‍ പറഞ്ഞു. പുറപ്പാട് പുസ്തകം പറയുന്നത് ഫിലിസ്ത്യ രാജ്യത്തിലൂടെയുള്ള വഴിയില്‍ ദൈവം അവരെ നയിച്ചില്ല, അത് ചെറുതാണെങ്കിലും എന്നാണ്.
ഇപ്പോള്‍, പുതുതായി കണ്ടെത്തിയ കോട്ട, തിരുവെഴുത്തുകള്‍ അനുസരിച്ച്, അടിമകളായ ഒരു ജനത ചെങ്കടലിലേക്ക് രക്ഷപ്പെടുമ്പോള്‍ പട്ടാളക്കാര്‍ ഒരിക്കല്‍ കാവല്‍ നിന്നിരുന്ന ആ പുരാതന പാത ഒരുവ കാലഘട്ടത്തെയാണ് ഓര്‍മ്മപ്പെടുത്തുന്നത്. 86,100 ചതുരശ്ര അടി വിസ്തൃതിയുള്ള വിശാലമായ കോട്ട ഖനനത്തിലൂടെയാണ് കണ്ടെത്തിയത്. അതില്‍ പതിനൊന്ന് പ്രതിരോധ ഗോപുരങ്ങള്‍, കട്ടിയുള്ള ചെളി-ഇഷ്ടിക മതിലുകള്‍, ദൈനംദിന ജീവിതത്തിന്റെ തെളിവുകള്‍ എന്നിവ ഉള്‍പ്പെടുന്നു.
മണ്‍പാത്രക്കഷണങ്ങള്‍, സെറാമിക് പാത്രങ്ങള്‍, ബിസി 1506 മുതല്‍ 1493 വരെ ഭരിച്ച ഫറവോ തുത്മോസ് ഒന്നാമന്റെ പേര് മുദ്രകുത്തിയ ഒരു ഭരണിയുടെ പിടി എന്നിവയും കുഴിച്ചെടുത്തു. ഇത് ഈജിപ്തിന്റെ സാമ്രാജ്യത്വ ശക്തിയുടെ തെളിവായിട്ടാണ് കണക്കാക്കുന്നത്.. ഈജിപ്തിലെ വിനോദസഞ്ചാര, പുരാവസ്തു മന്ത്രി ഷെരീഫ് ഫാത്തി പറഞ്ഞത് ഈ കോട്ട ഈജിപ്തിന്റെ സൈനിക ചരിത്രത്തിലെ പുതിയ അധ്യായങ്ങള്‍' വെളിപ്പെടുത്തുന്നതാണ് എന്നാണ്.
ഈജിപ്തിലെ മറ്റൊരു സമീപകാല കണ്ടെത്തലും മോശയുടെ അസ്തിത്വത്തിന് തെളിവ് നല്‍കുന്നതാണ്. ഈജിപ്തിലെ സിനായ് പെനിന്‍സുലയിലെ സെറാബിറ്റ് എല്‍-ഖാദിമില്‍ കണ്ടെത്തിയ 3,800 വര്‍ഷം പഴക്കമുള്ള ഒരു പ്രോട്ടോ-സിനൈറ്റിക് ലിഖിതത്തില്‍, 'ഇത് മോശയില്‍ നിന്നുള്ളതാണ്' എന്നര്‍ത്ഥം വരുന്ന 'സോട്ട് എം'മോഷെ' എന്ന ഹീബ്രു പദം വായിക്കാമെന്ന് ഗവേഷകനായ മൈക്കല്‍ ബാര്‍-റോണ്‍ വ്യക്തമാക്കി.
മൈന്‍ എല്‍-ലെ സീനായ് 357 എന്നറിയപ്പെടുന്ന ഒരു പാറമുഖത്ത് കൊത്തിവച്ചിരിക്കുന്ന ഈ ലിഖിതം, 1900-കളുടെ തുടക്കത്തില്‍ ആദ്യമായി കണ്ടെത്തിയ രണ്ട് ഡസനിലധികം പ്രോട്ടോ-സിനൈറ്റിക് ഗ്രന്ഥങ്ങളുടെ ഒരു ശേഖരത്തിന്റെ ഭാഗമാണ്. ബൈബിള്‍ അനുസരിച്ച്, മോശ ഇസ്രായേല്യരെ ഈജിപ്തിലെ അടിമത്തത്തില്‍ നിന്ന് മോചിപ്പിച്ചു. സീനായ് പര്‍വതത്തില്‍ ദൈവത്തില്‍ നിന്ന് പത്ത് കല്‍പ്പനകള്‍ സ്വീകരിച്ചതിന് പ്രശസ്തനാണ്. എന്നാല്‍ അദ്ദേഹത്തിന്റെ അസ്തിത്വത്തിന്റെ തെളിവുകളൊന്നും ഇതുവരെ കണ്ടെത്തിയിരുന്നില്ല.