പ്ലസ് ടു പരീക്ഷഫലം പ്രഖ്യാപിച്ച് വിദ്യാഭ്യാസ മന്ത്രി; വിജയശതമാനം 77.81%; 30145 പേര്‍ക്ക് ഫുള്‍ എ പ്ലസ്; കൂടുതല്‍ പേര്‍ വിജയിച്ചത് സയന്‍സ് ഗ്രൂപ്പില്‍; കഴിഞ്ഞ വര്‍ഷത്തേക്കാള്‍ വിജയശതമാനം കുറഞ്ഞു; വിഎച്ച്എസ്ഇക്ക് 70.6 ശതമാനം വിജയം; സേ പരീക്ഷ ജൂണ്‍ 21 മുതല്‍ തുടങ്ങും
പ്ലസ് ടു പരീക്ഷഫലം പ്രഖ്യാപിച്ച് വിദ്യാഭ്യാസ മന്ത്രി
തിരുവനന്തപുരം: രണ്ടാം വര്‍ഷ ഹയര്‍സെക്കന്‍ഡറി വൊക്കേഷണല്‍ ഹയര്‍സെക്കന്‍ഡറി ഫലം പ്രഖ്യാപിച്ച് വിദ്യാഭ്യാസ - തൊഴില്‍ വകുപ്പ് മന്ത്രി വി ശിവന്‍കുട്ടി. 77.81% ആണ് ഇത്തവണത്തെ വിജയശതമാനം. കഴിഞ്ഞ വര്‍ഷം 78.69% ആയിരുന്നു. 3,70,642 വിദ്യാര്‍ത്ഥികളാണ് രണ്ടാം വര്‍ഷ ഹയര്‍സെക്കണ്ടറി പരീക്ഷ എഴുതിയത്. ഉപരിപഠനത്തിന് യോഗ്യത നേടിയത് 2,88,394 വിദ്യാര്‍ത്ഥികളാണ്. കഴിഞ്ഞ വര്‍ഷത്തേക്കാള്‍ ഈ വര്‍ഷം വിജയശതമാനം കുറഞ്ഞതായിട്ടാണ് കാണുന്നത്. ജൂണ്‍ 21 മുതല്‍ സേ പരീക്ഷ ആരംഭിക്കും.
3.30 മുതല്‍ ഫലം വെബ്‌സെറ്റുകളില്‍ ലഭ്യമാകുമെന്നും മന്ത്രി അറിയിച്ചു. സര്‍ക്കാര്‍ സ്‌കൂളുകളില്‍ 73.23 % ജയം നേടിയിട്ടുണ്ട്. എയ്ഡഡ് സ്‌കൂളുകളില്‍ 82.16 ശതമാനമാണ് വിജയം. അണ്‍ എയ്ഡഡ് - 75.91%, സ്‌പെഷ്യല്‍ സ്‌കൂള്‍ - 86.40 എന്നിങ്ങനെയാണ് വിജയശതമാന കണക്ക്.
സയന്‍സ് ഗ്രൂപ്പില്‍ 83.25 ആണ് വിജയം. ഹ്യുമാനിറ്റീസില്‍ 69.16, കൊമേഴ്‌സില്‍ 74.21 എന്നിങ്ങനെയാണ് വിജയശതമാനം. സര്‍ക്കാര്‍ സ്‌കൂളുകളില്‍ 73.23 ശതമാനം വിദ്യാര്‍ഥികള്‍ വിജയിച്ചു. എയ്ഡഡ് സ്‌കൂളുകളില്‍ 82.16, അണ്‍ എയ്ഡഡ് സ്‌കൂളുകളില്‍ 75.91 എന്നിങ്ങനെയാണ് വിജയശതമാനം. ആറ് സര്‍ക്കാര്‍ സ്‌കൂളുകള്‍ നൂറുശതമാനം വിജയം നേടി. ജൂണ്‍ 21 മുതല്‍ സേ പരീക്ഷ നടക്കും.
വൊക്കേഷണല്‍ ഹയര്‍സെക്കന്‍ഡറിയില്‍ 2 6,178 വിദ്യാര്‍ത്ഥികള്‍ പരീക്ഷ എഴുതി. 70.06 % വിജയമാണ് ഇത്തവണയുള്ളത്. മുന്‍വര്‍ഷം 71.42% ആയിരുന്നു വൊക്കേഷണല്‍ ഹയര്‍സെക്കണ്ടറിയിലെ വിജയശതമാനം. വൊക്കേഷണല്‍ വിഭാഗത്തിലും വിജയശതമാനം കുറഞ്ഞിട്ടുണ്ട്. വിജയശതമാനം കൂടുതല്‍ വയനാടും കുറവ് കാസര്‍കോട് ജില്ലയിലുമാണ്. 193 പേര്‍ ഫുള്‍ എ+ നേടിയിട്ടുണ്ട്.
ഔദ്യോഗിക ഫല പ്രഖ്യാപനത്തിനുശേഷം വൈകിട്ട് 3.30 മുതല്‍ www. results. hse.kerala.gov.in, www.prd.kerala.gov.in, results.digilocker.gov.in, www.results.kite.kerala.gov.in എന്നീ വെബ്‌സൈറ്റുകളിലും SAPHALAM 2025, iExaMS - Kerala, PRD Live മൊബൈല്‍ ആപ്ലിക്കേഷനുകളിലും ഫലം ലഭ്യമാകും. 4,44,707 വിദ്യാര്‍ഥികളാണ് ഹയര്‍ സെക്കന്‍ഡറി പരീക്ഷ എഴുതിയത്. വൊക്കേഷനല്‍ ഹയര്‍ സെക്കന്‍ഡറിയില്‍ 28,587 പേരും