രാഹുല് അന്വേഷണത്തോട് സഹകരിക്കുന്നില്ല; ഫോണ് ലോക്ക് അടക്കം മാറ്റാന് വിസമ്മതിച്ചു; തെളിവുകള് നശിപ്പിക്കാനും സാക്ഷികളെ സ്വാധീനിക്കാനും അതിജീവിതമാരെ അപായപ്പെടുത്താനും സാധ്യതയെന്ന് റിമാന്ഡ് റിപ്പോര്ട്ട്; നടന്നത് പീഡനമല്ല, ഉഭയകക്ഷി സമ്മതപ്രകാരമുള്ള ബന്ധമെന്ന വാദത്തിലുറച്ച് രാഹുല്; മൂന്നാം ബലാത്സംഗ കേസില് ജാമ്യമില്ല, മാവേലിക്കര ജയിലിലെത്തിച്ചു
പത്തനംതിട്ട: മൂന്നാം ബലാത്സംഗക്കേസില് രാഹുല് മാങ്കൂട്ടത്തില് എം എല് എക്ക് ഇനി ജയില്വാസം. പത്തനംതിട്ട ജില്ലാ കോടതി 14 ദിവസത്തേക്ക് റിമാന്ഡ് ചെയ്ത രാഹുലിനെ മാവേലിക്കര സബ് ജയിലിലെത്തിച്ചു. ജയിലിന് മുന്നിലും രാഹുലിനെതിരെ കടുത്ത പ്രതിഷേധമാണ് ഉയര്ന്നത്. ഡിവൈഎഫ്ഐ പ്രവര്ത്തകരും, യുവമോര്ച്ച പ്രവര്ത്തകരും പ്രതിഷേധിച്ചു. ഇന്നലെ അര്ധരാത്രി അറസ്റ്റിലായ മാങ്കൂട്ടത്തിലിനെ പത്തനംതിട്ട ജില്ലാ കോടതി മജിസ്ട്രേറ്റ് റിമാന്ഡ് ചെയ്തിരുന്നു. രാഹുലിന്റെ ജാമ്യാപേക്ഷ തള്ളിക്കൊണ്ടാണ് 14 ദിവസത്തേക്ക് കോടതി റിമാന്ഡ് ചെയ്തത്. വിദേശത്ത് താമസിക്കുന്ന മലയാളി യുവതിയുടെ ബലാത്സംഗ പരാതിയിലാണ് രാഹുല് മാങ്കൂട്ടത്തില് ജയിലിലായത്. നേത്തെ രണ്ട് ബലാത്സംഗ കേസുണ്ടായിരുന്ന രാഹുലിനെ മൂന്നാം ബലാത്സംഗ കേസില് പൊലീസ് രഹസ്യ നീക്കത്തിലൂടെയാണ് പിടികൂടിയത്. ബലാത്സംഗത്തിനും ശാരീരിക മാനസിക പീഡനത്തിനും പുറമെ ഗര്ഭഛിദ്രത്തിന് പ്രേരിപ്പല് അടക്കം ഞെട്ടിക്കുന്നതും സമാന സ്വഭാവത്തിലുള്ളതുമാണ് കുറ്റങ്ങള്.
പ്രതി സ്ഥിരം കുറ്റവാളിയാണെന്നും പുറത്തിറങ്ങിയാല് അതിജീവിതമാരെ അപായപ്പെടുത്താന് സാധ്യതയുണ്ടെന്നും റിമാന്ഡ് റിപ്പോര്ട്ടില് പറയുന്നു. പ്രതി എംഎല്എ ആയതിനാല് തെളിവുകള് നശിപ്പിക്കാനും സാക്ഷികളെ സ്വാധീനിക്കാനും സാധ്യതയുണ്ടെന്നും റിമാന്ഡ് റിപ്പോര്ട്ടിലുണ്ട്. പ്രതി അന്വേഷണത്തോട് സഹകരിക്കുന്നില്ല. ഫോണ് ലോക്ക് അടക്കം മാറ്റാന് വിസമ്മതിച്ചതായും റിപ്പോര്ട്ടില് പൊലീസ് വ്യക്തമാക്കുന്നു. തനിക്കെതിരായ മൂന്നാമത്തെ പരാതിയില് പറയുന്ന ആരോപണങ്ങളെല്ലാം രാഹുല് മാങ്കൂട്ടത്തില് നിഷേധിച്ചിരുന്നു. അന്വേഷണത്തോട് രാഹുല് പൂര്ണമായി സഹകരിക്കുന്നില്ലെന്നാണ് വിവരം. പ്രത്യേക അന്വേഷണ സംഘത്തിന്റെ ചോദ്യങ്ങള്ക്ക് കൃത്യമായി മറുപടി പറയാതെ രാഹുല് എല്ലാം അഭിഭാഷകന് പറയുമെന്ന നിലപാടില് ഉറച്ചിരിക്കുകയാണ്. പരാതിയില് പറയുന്നതുപോലെ ഒരു പീഡനം നടന്നിട്ടില്ലെന്നും ഉഭയകക്ഷി സമ്മതപ്രകാരമുള്ള ബന്ധമാണ് ഉണ്ടായിരുന്നതെന്നുമാണ് രാഹുലിന്റെ വാദം.
രാഹുല് വിവാഹം കഴിക്കാമെന്ന് പ്രലോഭിപ്പിച്ച് ബലാത്സംഗം ചെയ്തുവെന്നും തിരുവല്ലയിലെ ഹോട്ടലില് വിളിച്ചുവരുത്തിയായിരുന്നു പീഡനമെന്നും റിമാന്ഡ് റിപ്പോര്ട്ടിലുണ്ട്. ആഢംബര ഹോട്ടലില് റൂമിലേക്ക് കയറ്റിയതിന് പിന്നാലെ ക്രൂരമായി പീഡിപ്പിച്ചു. പിന്നീട് ക്രൂരമായി മര്ദ്ദിച്ചുവെന്നും റിമാന്ഡ് റിപ്പോര്ട്ടില് പറയുന്നു. 31 വയസുകാരിയാണ് പരാതിക്കാരി. ഇന്നലെ അര്ധരാത്രി അറസ്റ്റിലായ മാങ്കൂട്ടത്തിലിനെ പത്തനംതിട്ട ജില്ലാ കോടതി മജിസ്ട്രേറ്റ് റിമാന്ഡ് ചെയ്തു. രാഹുലിന്റെ ജാമ്യാപേക്ഷ തള്ളിക്കൊണ്ടാണ് 14 ദിവസത്തേക്ക് കോടതി റിമാന്ഡ് ചെയ്തത്. വിദേശത്ത് താമസിക്കുന്ന മലയാളി യുവതിയുടെ ബലാത്സംഗ പരാതിയിലാണ് രാഹുല് മാങ്കൂട്ടത്തില് ജയിലിലായത്. നേത്തെ രണ്ട് ബലാത്സംഗ കേസുണ്ടായിരുന്ന രാഹുലിനെ മൂന്നാം ബലാത്സംഗ കേസില് പൊലീസ് രഹസ്യ നീക്കത്തിലൂടെയാണ് പിടികൂടിയത്. ബലാത്സംഗത്തിനും ശാരീരിക മാനസിക പീഡനത്തിനും പുറമെ ഗര്ഭഛിദ്രത്തിന് പ്രേരിപ്പിക്കല് അടക്കം ഞെട്ടിക്കുന്നതും സമാന സ്വഭാവത്തിലുള്ളതുമാണ് കുറ്റങ്ങള്.
പാലക്കാട്ടെ മിന്നുന്ന ഉപതെരഞ്ഞെടുപ്പ് വിജയത്തിന് പിറകെയാണ് രാഹുല് മാങ്കൂട്ടത്തില് എം എല് എക്ക് എതിരെ തുടര്ച്ചയായ ബലാത്സംഗം പരാതികള് വന്നത്. കുറ്റകൃത്യമെല്ലാം 2025 ന് മുന്പ് നടന്നതാണ്. എല്ലാ കേസുകളിലും സമാന ആരോപണങ്ങളാണ് രാഹുലിനെതിരെ ഉയര്ന്നിട്ടുള്ളത്. വിവാഹ വാഗ്ദാനം നല്കി അടുപ്പം സ്ഥാപിക്കുക. കുഞ്ഞ് വേണമെന്ന് പറഞ്ഞ് ലൈംഗിക ബന്ധത്തില് ഏര്പ്പെടുക. ഗര്ഭിണി ആകുമ്പോള് ഭീഷണപ്പെടുത്തി ബന്ധം അവസാനിപ്പിക്കുക എന്നതാണ് രാഹുലിന്റെ രീതി.
ഗുരുതര വകുപ്പുകള് ചുമത്തി
ബലാത്സംഗം, ഭീഷണിപ്പെടുത്തല് എന്നീ ഗുരുതരമായ വകുപ്പുകള് ചുമത്തിയാണ് രാഹുല് മാങ്കൂട്ടത്തിലിനെ അറസ്റ്റ് ചെയ്തത്. രാഹുല് ഒരു സ്ഥിരം കുറ്റവാളി (ഹാബിച്ചല് ഒഫന്ഡര്) ആണെന്നടക്കമുള്ള ഗുരുതര പരാമര്ശമടക്കം അറസ്റ്റ് റിപ്പോര്ട്ടിലുണ്ട്. കേസ് എടുക്കുന്നതിന് മുന്പുതന്നെ പ്രതി പരാതിക്കാരിയെ നേരിട്ട് ഭീഷണിപ്പെടുത്തിയെന്നും, എം എല് എ എന്ന അധികാരം ഉപയോഗിച്ച് സാക്ഷികളെ സ്വാധീനിക്കാനും പരാതിക്കാരിയെ സൈബര് ആക്രമണങ്ങളിലൂടെ മാനസിക സമ്മര്ദ്ദത്തിലാക്കാനും സാധ്യതയുണ്ടെന്നും പോലീസ് വിവരിച്ചിട്ടുണ്ട്.
നേരത്തയുള്ള കേസില് പത്ത് ദിവസത്തോളം ഒളിവില് പോയി നിയമത്തെ വെല്ലുവിളിച്ചയാളാണ് പ്രതി. നിലവില് പരാതിക്കാരിയുടെ ജീവന് തന്നെ രാഹുല് ഭീഷണിയാണെന്നും അവരുടെ സ്വകാര്യ വിവരങ്ങള് വെളിപ്പെടുത്തി മാനസിക സമ്മര്ദ്ദത്തിലാക്കാന് സാധ്യതയുണ്ടെന്നും റിപ്പോര്ട്ടിലുണ്ട്. മൂന്നാമത്തെ ബലാത്സംഗ കേസില് ഇന്നലെ അര്ദ്ധരാത്രി 12.30 നാണ് രാഹുലിനെ പാലക്കാട്ടെ ഹോട്ടലില് നിന്ന് പ്രത്യേക സംഘം കസ്റ്റഡിയിലെടുത്തത്. പിന്നീട് പത്തനംതിട്ട എ ആര് ക്യാംപിലെത്തിക്കുകയായിരുന്നു. ഇവിടെ നിന്ന് ആശുപത്രിയില് കൊണ്ടുപോയി വൈദ്യ പരിശോധനയടക്കം നടത്തിയാണ് മജിസ്ട്രേറ്റിന് മുന്നില് ഹാജരാക്കി റിമാന്ഡ് ചെയ്തത്. വലിയ പ്രതിഷേധമാണ് ആശുപത്രിയിലും മജിസ്ട്രേറ്റിന്റെ വസതിക്ക് മുന്നിലും രാഹുലിനെതിരെ ഡി വൈ എഫ് ഐയും യുവമോര്ച്ചയും ഉയര്ത്തിയത്.
അതേസമയം, മൂന്നാം ബലാത്സംഗക്കേസില് അറസ്റ്റിലായതോടെ രാഹുല് മാങ്കൂട്ടത്തില് എംഎല്എക്കെതിരെ കടുത്ത നടപടിക്കൊരുങ്ങുകയാണ് നിയമസഭ. വിഷയം എത്തിക്സ് ആന്റ് പ്രിവില്ലേജസ് കമ്മിറ്റി പരിശോധിക്കുമെന്ന് സ്പീക്കര് എഎന് ഷംസീര് പറഞ്ഞു. അയോഗ്യത നടപടിക്ക് നിയമോപദേശം തേടും. തുടര്ച്ചയായി പരാതികള് വരുന്ന സാഹചര്യത്തില് രാഹുല് എംഎല്എ സ്ഥാനത്ത് തുടരുന്നത് തെറ്റായ സന്ദേശം നല്കുമെന്നും സ്പീക്കര് പ്രതികരിച്ചു.