ഇനി പറക്കും 'നമോ ഭാരത്!' ഡല്ഹിയില് നിന്ന് മീററ്റിലേക്ക് വെറും 55 മിനിറ്റ്! 180 കിലോമീറ്റര് വരെ വേഗത; രാജ്യത്തെ ഏറ്റവും വേഗമേറിയ മെട്രോ സര്വീസും നമോഭാരത് ഇടനാഴിയും രാജ്യത്തിന് സമര്പ്പിച്ച് പ്രധാനമന്ത്രി
ന്യൂഡല്ഹി: രാജ്യത്തെ ഏറ്റവും വേഗതയേറിയ മെട്രോ പാതയായ ഡല്ഹി-മീററ്റ് നമോ ഭാരത് (RRTS) ഇടനാഴി പ്രധാനമന്ത്രി നരേന്ദ്ര മോദി രാജ്യത്തിന് സമര്പ്പിച്ചു. ശതാബ്ദി നഗര് സ്റ്റേഷനില് നടന്ന ചടങ്ങില് നമോ ഭാരത് ട്രെയിനും മീററ്റ് മെട്രോയും അദ്ദേഹം ഫ്ലാഗ് ഓഫ് ചെയ്തു. ഇതോടെ 82.15 കിലോമീറ്റര് നീളമുള്ള ഈ അതിവേഗ റെയില് ഇടനാഴി പൂര്ണ്ണമായും പ്രവര്ത്തനസജ്ജമായി. ഈ പാത നിലവില് വന്നതോടെ ഡല്ഹിയില് നിന്ന് മീററ്റിലേക്കുള്ള യാത്രാസമയം വെറും 55 മിനിറ്റായി കുറഞ്ഞു. മണിക്കൂറില് 160 കിലോമീറ്റര് പ്രവര്ത്തന വേഗതയുള്ള ഈ ട്രെയിനുകള്ക്ക് പരമാവധി 180 കി.മീ. വരെ വേഗത കൈവരിക്കാനാകും. ഇന്ത്യയിലെ ആദ്യത്തെ റീജിയണല് റാപ്പിഡ് ട്രാന്സിറ്റ് സിസ്റ്റം (RRTS) ആണിത്.
വൈകിട്ട് ആറുമണിക്ക് പാതയില് പൂര്ണതോതില് സര്വീസ് ആരംഭിക്കും. മെട്രോ പാത പൂര്ണമായതോടെ ഡല്ഹിയില് നിന്ന് മീററ്റിലേക്കുള്ള യാത്രാ സമയം 55 മിനിറ്റായി കുറയും. 82.15 കിലോമീറ്റര് ദൈര്ഘ്യമുള്ള ഡല്ഹി-ഗാസിയാബാദ്-മീററ്റ് നമോ ഭാരത് ഇടനാഴി ഇന്ത്യയിലെ ആദ്യത്തെ റീജിയണല് റാപ്പിഡ് ട്രാന്സിറ്റ് സിസ്റ്റം (ആര്ആര്ടിഎസ്) ആണ്. 2019 മാര്ച്ച് 8 ന് പ്രധാനമന്ത്രി മോദി തറക്കല്ലിട്ട പദ്ധതിയാണിത്. 2025 ജനുവരി 12 ന് മീററ്റ് സൗത്തിനും മീററ്റ് സെന്ട്രലിനും ഇടയില് ആദ്യ പരീക്ഷണ ഓട്ടം നടന്നത്.
സാഹിബാബാദ്, ഗാസിയാബാദ്, മോദിനഗര്, മീററ്റ് തുടങ്ങിയ പ്രധാന നഗര കേന്ദ്രങ്ങളെ ഡല്ഹിയുമായി വേഗത്തില് ബന്ധിപ്പിക്കുന്നതാണ് ഈ ഗതാഗത സംവിധാനം. മുഴുവന് റൂട്ടും വെറും 30 മിനിറ്റിനുള്ളില് മെട്രോ പൂര്ത്തിയാക്കും. എല്ലാ ഷെഡ്യൂള് ചെയ്ത സ്റ്റോപ്പുകളിലും നിര്ത്തിയാണ് 30 മിനിറ്റിനുള്ളില് യാത്ര പൂര്ത്തിയാക്കുക.
82.15 കിലോമീറ്റര് നീളമുള്ള ഡല്ഹി-ഗാസിയാബാദ്-മീററ്റ് നമോ ഭാരത് ഇടനാഴി ഇന്ത്യയിലെ ആദ്യത്തെ റീജിയണല് റാപ്പിഡ് ട്രാന്സിറ്റ് സിസ്റ്റം (RRTS) ആണ്, ഇത് ഡല്ഹിയിലെ സരായി കാലെ ഖാന് മുതല് ഉത്തര്പ്രദേശിലെ മോദിപുരം വരെയാണ്. ഇതോടെ, ഡല്ഹിക്കും മീററ്റിനും ഇടയിലുള്ള മുഴുവന് ഇടനാഴിയും പ്രവര്ത്തനക്ഷമമായി. 23 കിലോമീറ്റര് ദൈര്ഘ്യമുള്ള മീററ്റ് മെട്രോ നഗരത്തിനുള്ളില് സര്വീസ് നടത്തും. മീററ്റ് ഭാഗത്ത് നമോ ഭാരത് റാപ്പിഡ് റെയിലിനൊപ്പം ട്രാക്കുകളും അടിസ്ഥാന സൗകര്യങ്ങളും പങ്കിടും. യാത്രക്കാര്ക്ക് സ്റ്റേഷന് വിടാതെ തന്നെ രണ്ട് സേവനങ്ങളും ഉപയോഗപ്പെടും.
23 കിലോമീറ്റര് ഇടനാഴിയില് 16 കിലോമീറ്റര് ഉയരത്തിലുള്ള ട്രാക്കും 7 കിലോമീറ്റര് ഭൂഗര്ഭ ട്രാക്കും ഉള്പ്പെടുന്നു. 23 കിലോമീറ്റര് ഇടനാഴിയില് ആകെ 13 സ്റ്റേഷനുകളുണ്ട്. ഒന്പത് സ്റ്റേഷനുകള്-മീററ്റ് സൗത്ത്, പാര്ടപൂര്, റിത്താനി, ശതാബ്ദി നഗര്, ബ്രഹ്മപുരി, എംഇഎസ് കോളനി, ദൗര്ളി, മീററ്റ് നോര്ത്ത്, മോഡിപുരം എന്നിവ ഉയരത്തിലാണ്. മൂന്ന് സ്റ്റേഷനുകള്- മീററ്റ് സെന്ട്രല്, ഭൈസാലി, ബേഗുമ്പുള് എന്നിവ ഭൂഗര്ഭത്തിലാണ്. മോദിപുരം ഡിപ്പോ ഒരു ഗ്രൗണ്ട് ലെവല് സ്റ്റേഷനാണ്. മീററ്റ് സൗത്ത്, ശതാബ്ദി നഗര്, ബേഗുമ്പുള്, മോദിപുരം എന്നിവിടങ്ങളില് നമോഭാരത്, മീററ്റ് മെട്രോ ട്രെയിനുകളുടെ സേവനം ഉണ്ടാകും.
പീക്ക് സമയങ്ങളില്, ട്രെയിനുകള് ഓരോ 5 മുതല് 10 മിനിറ്റിലും ഓടിക്കും. ഓഫ്-പീക്ക് സമയങ്ങളില് ഇത് 10 മുതല് 15 മിനിറ്റ് വരെയായിരിക്കും. പ്രവൃത്തിദിവസങ്ങളിലും ശനിയാഴ്ചകളിലും രാവിലെ 6:00 മുതല് രാത്രി 10:00 വരെയും, ഞായറാഴ്ചകളില് രാവിലെ 8:00 മുതല് രാത്രി 10:00 വരെയും സേവനങ്ങള് ഉണ്ടായിരിക്കും. യാത്രക്കാര്ക്ക് ഒരു ടിക്കറ്റ് ഉപയോഗിച്ച് നമോ ഭാരത്, മീററ്റ് മെട്രോ എന്നിവയില് യാത്ര ചെയ്യാം. യാത്രാക്കൂലിയുടെ വിശദാംശങ്ങള് ഇതുവരെ പ്രഖ്യാപിച്ചിട്ടില്ല. മീററ്റ് മെട്രോ ട്രെയിനുകളില് മൂന്ന് കോച്ചുകളാണുള്ളത്, ഇതില് ട്രാന്സ്വേഴ്സ് (2ഃ2) ഉം ലോഗിറ്റിയൂഡിനല് സീറ്റിങ്ങും ഉണ്ട്. ഓരോ ട്രെയിനും 700-ല് അധികം യാത്രക്കാരെ വഹിക്കാന് കഴിയും, കൂടാതെ 173 പേര്ക്ക് ഇരിക്കാനുള്ള സൗകര്യവുമുണ്ട്.
പ്രധാന സവിശേഷതകള്:
എയര് കണ്ടീഷന്ഡ് കോച്ചുകള്
കുഷ്യനുകളുള്ള സീറ്റുകള്
ലഗേജ് റാക്കുകളും പിടികള്
സിസിടിവി ക്യാമറകള്
യുഎസ്ബി മൊബൈല് ചാര്ജിങ് പോയിന്റുകള്
ഡൈനാമിക് റൂട്ട് മാപ്പുകള്
അടിയന്തര ആശയവിനിമയ സംവിധാനങ്ങളും അലാറങ്ങളും
തീ അണയ്ക്കുന്നതിനുള്ള സംവിധാനങ്ങളും ടോക്ക്-ബാക്ക് സിസ്റ്റങ്ങളും
എല്ലാ സ്റ്റേഷനുകളിലും പ്ലാറ്റ്ഫോം സ്ക്രീന് ഡോറുകള് സ്ഥാപിക്കും, ട്രെയിന് പ്രവര്ത്തനങ്ങളുമായി ഇവ സമന്വയിപ്പിക്കും. ബട്ടണുകളിലൂടെയുള്ള ഡോര് തുറക്കല് ഊര്ജഉപയോഗം കുറയ്ക്കാന് സഹായിക്കും. ഓരോ കോച്ചിലും സ്ത്രീകള്ക്കും മുതിര്ന്ന പൗരന്മാര്ക്കും വേണ്ടി റിസര്വ് ചെയ്ത സീറ്റുകള് ഉണ്ടാകും. വീല്ചെയറുകള്ക്കും മെഡിക്കല് സ്ട്രെച്ചറുകള്ക്കും വിശാലമായ ലിഫ്റ്റുകള്ക്കുമുള്ള സൗകര്യങ്ങളോടെ സ്റ്റേഷനുകളും ട്രെയിനുകളും എല്ലാവര്ക്കും ഉപയോഗപ്രദമാകുന്ന രീതിയിലാണ് രൂപകല്പന ചെയ്തിരിക്കുന്നത്. ട്രെയിനുകള്ക്ക് പച്ച, നീല, ഓറഞ്ച് നിറങ്ങളിലുള്ള ബാഹ്യവര്ണസ്കീം ഉണ്ട്.