കോൺഗ്രസിന് ഒറ്റ ശത്രുവേയുള്ളൂ അത് ഇടതുപക്ഷമാണ്; ബിജെപിയെ ഒറ്റയ്ക്ക് നേരിടാൻ അവർക്ക് കഴിയില്ല; നല്ല പ്രവർത്തകർ പാർട്ടി വിട്ട് പോകുന്നു; കോൺഗ്രസിനെ വിമർശിച്ച് സിപിഎം നേതാവ് എ.വിജയരാഘവൻ

കൽപ്പറ്റ: കോൺഗ്രസിനെ രൂക്ഷമായി വിമർശിച്ച് സിപിഎം നേതാവ് എം. വിജയരാഘവൻ. കോൺഗ്രസിന് ഒറ്റ ശത്രുവേയുള്ളൂവെന്നും അത് ഇടതുപക്ഷമാണെന്ന് അദ്ദേഹം പറഞ്ഞു. വ്യക്തികൾ തമ്മിൽ അല്ല മത്സരം നടക്കുന്നത്. രാഷ്ട്രീയ നിലപാടുകൾ തമ്മിലാണ്. തൃശ്ശൂരിൽ എൽഡിഎഫ് ബിജെപിയെ സഹായിച്ചെന്ന് കോൺഗ്രസ് പറയുന്നു.

കളവ് പറയുന്നതിനും ഒരു മാന്യത വേണം. ബിജെപിയെ ഒറ്റയ്ക്ക് നേരിടാൻ കോൺഗ്രസിനാകില്ല. നല്ല കോൺഗ്രസുകാർ പാർട്ടി വിട്ട് പുറത്തേക്ക് വരുന്ന സ്ഥിതിയാണ്. വിദ്യാസമ്പന്നനായ, സാമൂഹ്യ സേവന സന്നദ്ധനായ ആൾ പുറത്തേക്ക് വന്നതാണ് പാലക്കാട് കണ്ടതെന്നും അദ്ദേഹം വിമർശിച്ചു.

അതേസമയം, വയനാട്ടിൽ നന്നായി പ്രവർത്തിക്കണമെന്ന് പ്രവർത്തകരോട് അദ്ദേഹം ആവശ്യപ്പെടുകയും ചെയ്തു. പത്രങ്ങളിൽ പലതും ഉണ്ടാകും. രാഷ്ട്രീയം ഉണ്ടാവില്ല.

പക്ഷെ കെട്ടിപിടിച്ചു, ചായക്കടയിൽ കയറി, പപ്പടവട കഴിച്ചു അങ്ങനെ പലതും ഉണ്ടാകും. തെരഞ്ഞെടുപ്പ് എളുപ്പമാണെങ്കിൽ അൻവർ സതീശനെ കാണാൻ പോകുമോയെന്ന് ചോദിച്ച അദ്ദേഹം പാലക്കാട്ടെ അൻവറിൻ്റെ കൺവൻഷനെ അതിരൂക്ഷമായി വിമർശിക്കുകയും ചെയ്തു.