അവര്ക്ക് വേണ്ടത്ര എക്സ്പീരിയന്സ് ഇല്ല; അതുകൊണ്ടാകാം അത്തരം ഒരു പ്രതികരണം ഉണ്ടായത്; പരാതി ലഭിച്ചിട്ടുണ്ടെങ്കില് കെപിസിസി പ്രസിഡന്റ് പരിശോധിക്കും; രാഹുല് മാങ്കൂട്ടത്തിലിനെ പിന്തുണച്ച ശ്രീനാ ദേവി കുഞ്ഞമ്മയെ തള്ളി രമേശ് ചെന്നിത്തല
അവര്ക്ക് വേണ്ടത്ര എക്സ്പീരിയന്സ് ഇല്ല;
തിരുവനന്തപുരം: രാഹുല് മാങ്കൂട്ടത്തിലിന് പരസ്യ പിന്തുണ പ്രഖ്യാപിച്ച കോണ്ഗ്രസ് നേതാവും ജില്ലാ പഞ്ചായത്ത് അംഗവുമായ ശ്രീനാ ദേവി കുഞ്ഞമ്മയെ തള്ളി രമേശ് ചെന്നിത്തല. അവര്ക്ക് വേണ്ടത്ര എക്സ്പീരിയന്സ് ഇല്ലെന്ന് ചെന്നിത്തല മാധ്യമങ്ങളോട് പറഞ്ഞു. അതുകൊണ്ടാകാം അത്തരം ഒരു പ്രതികരണം ഉണ്ടായത്. പരാതി ലഭിച്ചിട്ടുണ്ടെങ്കില് കെപിസിസി പ്രസിഡന്റ് പരിശോധിക്കുമെന്നും ചെന്നിത്തല പറഞ്ഞു.
ശ്രീനാ ദേവി കുഞ്ഞമ്മയുടെ അധിക്ഷേപ പരാമര്ശത്തില് രാഹുല് മാങ്കൂട്ടത്തില് കേസിലെ പരാതിക്കാരി കെപിസിസിക്ക് പരാതി നല്കിയിരുന്നു. വ്യക്തിഹത്യ നടത്തി വീഡിയോ ചെയ്തെന്നാണ് പരാതിയില് പറയുന്നത്. സൈബര് അക്രമികളെ പാര്ട്ടി നിയന്ത്രിക്കണമെന്നും ആവശ്യം. കഴിഞ്ഞ ദിവസമാണ് മൂന്നാം ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തിലിനെ പിന്തുണച്ച് ശ്രീനാ ദേവി കുഞ്ഞമ്മ രംഗത്തെത്തിയത്. രാഹുലിനെതിരെ മാധ്യമങ്ങള് ഇല്ലാ കഥകള് മെനയുകയാണ്.
പ്രതിസന്ധി നേരിടാന് അതിജീവിതന് മനക്കരുത്ത് ഉണ്ടാകട്ടെ എന്നും ശ്രീനാ ദേവി കുഞ്ഞമ്മ ഫേസ്ബുക്കില് പങ്കുവച്ച വീഡിയോയില് പറഞ്ഞിരുന്നു. നിയമത്തിന്റെ വഴിയിലൂടെ സഞ്ചരിച്ച് കേസിലെ വിധി വരും വരെ, ഓരാളെയും കുറ്റവാളിയായി ചിത്രീകരിക്കരുത്. രാഹുല് കുറ്റക്കാരനാണ് എന്ന് കോടതി പറയട്ടെ, അല്ലാതെ കുറ്റക്കാരനാണ് എന്ന് വിധി എഴുതാന് പറ്റില്ലെന്നും ശ്രീനാ ദേവി കുഞ്ഞമ്മ ഫേസ്ബുക്ക് വീഡിയോയില് പറഞ്ഞിരുന്നു.