ലോകകപ്പിന് മുന്നോടിയായി കരുത്തന്മാരുടെ പോരാട്ടം; സൗഹൃദ മത്സരത്തിൽ ബ്രസീലും ഫ്രാൻസും ഏറ്റുമുട്ടും

ബോസ്റ്റൺ: 2026 ലെ ഫിഫ ലോകകപ്പിന് മുന്നോടിയായി ലോക ഫുട്‌ബോളിലെ കരുത്തരായ ബ്രസീലും ഫ്രാൻസും സൗഹൃദ മത്സരത്തിൽ ഏറ്റുമുട്ടും. മാർച്ച് 28, 2026 ന് ബോസ്റ്റണിലെ ജില്ലറ്റ് സ്റ്റേഡിയത്തിൽ വെച്ചാണ് മത്സരം നടക്കുക. കാനഡ, മെക്സിക്കോ, അമേരിക്ക എന്നിവിടങ്ങളിലായി നടക്കുന്ന ലോകകപ്പിനുള്ള തയ്യാറെടുപ്പുകളുടെ ഭാഗമായാണ് സൗഹൃദ മത്സരം.

നിലവിൽ യൂറോപ്യൻ യോഗ്യതാ റൗണ്ടിൽ ഒന്നാം സ്ഥാനത്തുള്ള ഫ്രാൻസ്, യുക്രെയ്‌നെതിരെ വിജയം നേടിയാൽ ലോകകപ്പിന് യോഗ്യത നേടും. ഫ്രാൻസ് ലോകകപ്പിന് യോഗ്യത നേടിയാൽ മാത്രമേ ഈ സൗഹൃദ മത്സരം കളിക്കുകയുള്ളൂ. ഇതിനകം ലോകകപ്പ് യോഗ്യത ഉറപ്പാക്കിയ ബ്രസീൽ, ഈ മത്സരത്തെ തങ്ങളുടെ അവസാന ഒരുക്കങ്ങളുടെ ഭാഗമായാണ് കാണുന്നത്. യൂറോപ്യൻ ക്ലബ്ബുകളിൽ കളിക്കുന്ന കിലിയൻ എംബാപ്പെ ഉൾപ്പെടെയുള്ള ഫ്രഞ്ച് താരങ്ങൾക്ക് തങ്ങളുടെ സഹതാരങ്ങൾക്കെതിരെ കളിക്കാൻ ഇത് ഒരു അവസരം നൽകും.

1998 ലെ ലോകകപ്പ് ഫൈനലിന് ശേഷം അമേരിക്കൻ മണ്ണിൽ ബ്രസീലും ഫ്രാൻസും തമ്മിൽ നടക്കുന്ന ആദ്യത്തെ മത്സരമാണിത്. വിദേശ മണ്ണിൽ കളിച്ചുള്ള തയ്യാറെടുപ്പുകൾ പൂർത്തിയാക്കി ലോകകപ്പിനെ നേരിടാൻ ഇരു ടീമുകളും ലക്ഷ്യമിടുന്നു. ലോകമെമ്പാടുമുള്ള ഇരു രാജ്യങ്ങളുടെയും ആരാധകർക്ക് മത്സരത്തിനായി വലിയ പ്രതീക്ഷയോടെയാണ് കാത്തിരിക്കുന്നത്.