സ്വന്തം തട്ടകത്തിൽ ടോട്ടൻഹാം ഹോട്‌സ്പറിന് വീണ്ടും തോൽവി; ഫുൾഹാമിനോട് പരാജയപ്പെട്ടത് 2-1ന്; പ്രീമിയർ ലീഗിൽ എവർട്ടനെതിരെ 4-1ന്റെ ആധികാരിക ജയവുമായി ന്യൂകാസിൽ യുണൈറ്റഡ്
ലണ്ടൻ: പ്രീമിയർ ലീഗിൽ ടോട്ടൻഹാം ഹോട്‌സ്പറിന് സ്വന്തം തട്ടകത്തിൽ വീണ്ടും തോൽവി. ഫുൾഹാമിനോട് 2-1നാണ് ടോട്ടൻഹാം പരാജയപ്പെട്ടത്. സീസണിൽ ആദ്യത്തെ എവേ വിജയമാണ് ഫുൾഹാം നേടിയത്. ഈ തോൽവിയോടെ, ലീഗിൽ 18 പോയിന്റുമായി ടോട്ടനം പത്താം സ്ഥാനത്താണ്. ഫുൾഹാം 15-ാം സ്ഥാനത്തമാണ്. മറ്റൊരു മല്സരത്തിൽ എവർട്ടണെ 4-1ന് ന്യൂകാസിൽ യുണൈറ്റഡ് പരാജയപ്പെടുത്തി.
ലണ്ടനിലെ ടോട്ടനം ഹോട്സ്‌പർ സ്റ്റേഡിയത്തിൽ നടന്ന മത്സരത്തിൽ, ഫുൾഹാമിന് വേണ്ടി കെന്നി ടെറ്റെ നാലാം മിനിറ്റിലും ഹാരി വിൽസൺ ആറാം മിനിറ്റിലും ഗോളുകൾ നേടി. ടെറ്റെയുടെ ഷോട്ട് പ്രതിരോധ താരത്തിൽ തട്ടി വലയിൽ കയറിയപ്പോൾ, ടോട്ടനം ഗോൾകീപ്പർ ഗുഗ്ലിയെൽമോ വികാരിയോയുടെ പിഴവ് മുതലെടുത്താണ് വിൽസൺ രണ്ടാം ഗോൾ നേടിയത്. 59-ാം മിനിറ്റിൽ മുഹമ്മദ് കുഡുസ് ടോട്ടനത്തിനായി ഒരു ഗോൾ മടക്കി.
ഹിൽ ഡിക്കിൻസൺ സ്റ്റേഡിയത്തിൽ നടന്ന മറ്റൊരു മത്സരത്തിൽ എവർട്ടൺ-ന്യൂകാസിൽ പോരാട്ടത്തിൽ, കളി തുടങ്ങി 55 സെക്കൻഡിനുള്ളിൽ ഗോൾ നേടി മലൈക്ക് തിയാവ് ഈ സീസണിലെ ഏറ്റവും വേഗതയേറിയ പ്രീമിയർ ലീഗ് ഗോളിന് ഉടമയായി. തുടർന്ന് ലൂയിസ് മൈലി, നിക്ക് വോൾട്ടെമാഡെ എന്നിവർ ആദ്യ പകുതിയിൽ ന്യൂകാസിലിന് വേണ്ടി ഗോൾ നേടി. രണ്ടാം പകുതിയിൽ തിയാവ് വീണ്ടും ലക്ഷ്യം കണ്ടതോടെ ന്യൂകാസിൽ 4-1ന്റെ ആധികാരിക വിജയം സ്വന്തമാക്കി.
ഈ സീസണിലെ ന്യൂകാസിലിന്റെ ആദ്യ എവേ വിജയമാണിത്. ഇതോടെ 13 കളികളിൽ നിന്ന് 18 പോയിന്റുമായി ന്യൂകാസിൽ 11-ാം സ്ഥാനത്തേക്ക് ഉയർന്നു. 18 പോയിന്റുള്ള എവർട്ടൺ 14-ാം സ്ഥാനത്താണ്. അതേസമയം, എവർട്ടണിനെ 4-1ന് തോൽപ്പിച്ച് ന്യൂകാസിൽ യുണൈറ്റഡ് സീസണിലെ ആദ്യ എവേ വിജയം സ്വന്തമാക്കി. ഈ മത്സരത്തിൽ ഈ സീസണിലെ പ്രീമിയർ ലീഗിലെ ഏറ്റവും വേഗതയേറിയ ഗോളും പിറന്നു.