ബസ് നിയന്ത്രണം തെറ്റി കലുങ്കിലേക്ക് ഇടിച്ചുകയറി വൻ അപകടം; 12 പേർ മരിച്ചു; നിരവധിപേർക്ക് പരിക്ക്; സംഭവം രാജസ്ഥാനിൽ

രാജസ്ഥാൻ: നിയന്ത്രണം തെറ്റി എത്തിയ ബസ് കലുങ്കിലേക്ക് ഇടിച്ചുകയറി വൻ അപകടം. സംഭവത്തിൽ 12 പേർ കൊല്ലപ്പെട്ടു. നിരവധിപേർക്ക് പരിക്കേറ്റു. ഇവരിൽ കുറേപേരുടെ നില അതീവ ഗുരുതരമെന്നാണ് ലഭിക്കുന്ന വിവരങ്ങൾ.

രാജസ്ഥാനിലെ സികാറിൽ ഇന്ന് ഉച്ചയ്‌ക്കായിരുന്നു അപകടം നടന്നത്. സലാസറിൽ നിന്ന് എത്തിയ ബസാണ് സികാർ ജില്ലയിലെ ലക്ഷ്മൺ​ഗഡിൽ അപകടത്തിൽപ്പെട്ടത്.

പരിക്കേറ്റവരെ ​ഉടനെ തന്നെ ഗവൺമെന്റ് വെൽഫെയർ ആശുപത്രിയിൽ പ്രവേശിപ്പിച്ചു. ഇതുവരെ 12 പേരുടെ മരണം സ്ഥിരീകരിച്ചെന്ന് ആശുപത്രി സൂപ്രണ്ട് വ്യക്തമാക്കി. ജീവൻ പൊലിഞ്ഞവർക്ക് മുഖ്യമന്ത്രി ഭജൻലാൽ ശർമ്മ അന്ത്യാഞ്ജലി അർപ്പിക്കുകയും. പരിക്കേറ്റവർക്ക് വിദ​ഗ്ധ ചികിത്സ നൽകുമെന്നും മുഖ്യമന്ത്രി പറഞ്ഞു.