എനിക്ക് ദേഷ്യം സഹിക്കാൻ വയ്യേ..; മേൽക്കൂരയിൽ നിന്ന് നേരെ ചാടിയിറങ്ങി; എസ്‍യുവിയുടെ സൺറൂഫ് തകർത്ത് കുരങ്ങൻ; ചിതറിമാറി നാട്ടുകാർ; വീഡിയോ വൈറൽ
ഉത്തർപ്രദേശ്: ഓരോ ദിവസവും സോഷ്യൽ മീഡിയയിൽ വെറൈറ്റി വീഡിയോകളാണ് വൈറലാകുന്നത്. അതുപോലെ ഒരു വീഡിയോയാണ് ഇപ്പോൾ ആളുകളുടെ ശ്രദ്ധ ആകർഷിച്ചിരിക്കുന്നത്. ഉത്തർപ്രദേശിലെ വാരണാസിയിലാണ് സംഭവം നടന്നത്. പാർക്ക് ചെയ്തിരുന്ന എസ്‌യുവി കാറിൻ്റെ സൺറൂഫ് ഒരു കുരങ്ങൻ തകർക്കുന്ന രംഗമാണ് വൈറലായിരിക്കുന്നത്. ഇത് അതുവഴി യാത്ര ചെയ്തിരുന്നവരെ പോലും ഞെട്ടിച്ചു.
ഇപ്പോൾ സമൂഹ മാധ്യമങ്ങളിൽ തരംഗമായി മാറിക്കൊണ്ടിരിക്കയാണ് ഈ വീഡിയോയാണ്. റോഡിലൂടെ പോകുന്നവരും നാട്ടുകാരും എല്ലാം അമ്പരപ്പോടെയാണ് ഈ രംഗം കണ്ടു നിൽക്കുന്നത്.
എക്‌സിൽ പങ്കുവെച്ചിരിക്കുന്ന വീഡിയോ നിമിഷ നേരം കൊണ്ടാണ് വൈറലായത്, ഒരു കുരങ്ങൻ സമീപത്തെ മേൽക്കൂരയിൽ നിന്ന് പാർക്ക് ചെയ്തിരിക്കുകയായിരുന്ന കാറിലേക്ക് ചാടുന്നതാണ് കാണുന്നത്. കുരങ്ങൻ നേരെ കാറിൻ്റെ സൺറൂഫിലേക്കാണ് നേരെ ചാടുന്നത്.
അത് അപ്പോൾ തന്നെ തകർന്നു. കുരങ്ങനും അത് പ്രതീക്ഷിച്ചില്ല. അമ്പരന്നുപോയ കുരങ്ങൻ അതുപോലെ സൺറൂഫിലൂടെ തന്നെ പുറത്തേക്കിറങ്ങി ചാടിപ്പോകുന്നതും കാണാം. അതുവഴി പോവുകയായിരുന്ന സ്കൂട്ടർ യാത്രികർ വണ്ടി നിർത്തി അമ്പരപ്പോടെ ഈ രംഗം നോക്കി നിൽക്കുന്നതും ദൃശ്യങ്ങളിൽ ഉണ്ട്.
