സ്വത്ത് തട്ടിയെടുക്കാന്‍ റിയല്‍ എസ്റ്റേറ്റ് ഇടപാടുകാരനായ ഭര്‍ത്താവിനെ കൊന്ന് കാപ്പിത്തോട്ടത്തിലിട്ട് കത്തിച്ചു; രണ്ടാം ഭാര്യയും കൂട്ടാളികളും അറസ്റ്റില്‍
ഭര്‍ത്താവിനെ കൊന്ന് കാപ്പിത്തോട്ടത്തിലിട്ട് കത്തിച്ചു; രണ്ടാം ഭാര്യയും കൂട്ടാളികളും അറസ്റ്റില്‍
കര്‍ണാടക: സ്വത്ത് തട്ടിയെടുക്കാനായി റിയല്‍ എസ്റ്റേറ്റ് ഇടപാടുകാരനായ ഭര്‍ത്താവിനെ കൊന്ന് കാപ്പിത്തോട്ടത്തിലിട്ട് കത്തിച്ച കേസില്‍ രണ്ടാം ഭാര്യ ഉള്‍പ്പെടെ മൂന്നു പേരെ പോലിസ് അറസ്റ്റ് ചെയ്തു. ഹൈദരാബാദ് സ്വദേശിയായ രമേഷ് കാമാറാണ് കൊല്ലപ്പെട്ടത്.
രമേഷ്‌കുമാറിനെ സുണ്ടിക്കുപ്പയിലെ കാപ്പിത്തോട്ടത്തില്‍ പെട്രോള്‍ ഒഴിച്ചു കത്തിച്ചനിലയില്‍ കണ്ടെത്തുകയായിരുന്നു. തുടര്‍ന്ന് നടത്തിയ അന്വേഷണത്തിലാണ് ഭാര്യയും ബെംഗളൂരുവിലെ ഐടി ജീവനക്കാരിയുമായ തെലങ്കാന സ്വദേശിനി നിഹാരിക, ഹരിയാന സ്വദേശി അങ്കൂര്‍ റാണ, തെലങ്കാന സ്വദേശിയും ബെംഗളൂരുവിലെ താമസക്കാരനുമായ നിഖില്‍ എന്നിവരെ അറസ്റ്റ് ചെയ്തത്.
കഴിഞ്ഞ 10ന് ആണു പകുതി കത്തിയ മൃതദേഹം തോട്ടംതൊഴിലാളികള്‍ കണ്ടെത്തിയത്. 16 പേരടങ്ങുന്ന പ്രത്യേക അന്വേഷണസംഘം കേരളത്തില്‍ തൃശൂര്‍ ജില്ലയിലും അന്വേഷണം നടത്തിയിരുന്നു.
Next Story
