കൊല്ലം: നിയന്ത്രണം തെറ്റി വീണ സ്കൂട്ടറും കാറും തമ്മിൽ കൂട്ടിയിടിച്ച് അപകടം. കൊല്ലം ആയൂരിലാണ് സംഭവം നടന്നത്. നിയന്ത്രണം തെറ്റി സ്കൂട്ടറിൽ നിന്ന് വീണ് പരിക്കേറ്റ ചെറുവേക്കൽ സ്വദേശി എബിനെ ആശുപത്രിയിലേക്ക് മാറ്റുകയും ചെയ്തു.

യുവാവിന്‍റെ പരിക്ക് ഗുരുതരമല്ലെന്നാണ് ലഭിക്കുന്ന വിവരങ്ങൾ. ആയൂർ കശുവണ്ടി ഫാക്ടറിക്ക് സമീപത്താണ് രാവിലെ അപകടം നടന്നത്. വാഹനങ്ങളെ മറികടന്ന് പറന്നെത്തിയ സ്കൂട്ടറിൻ്റെ നിയന്ത്രണം നഷ്ടപ്പെട്ട് എബിൻ റോഡിലേക്ക് തെറിച്ചു വീഴുകയായിരുന്നു.

തുടർന്ന് എതിരെ എത്തിയ കാർ സ്കൂട്ടിൽ വന്ന് ഇടിക്കുകയായിരുന്നു. എതിരെ നിന്നും വന്ന കാര്‍ സ്കൂട്ടര്‍ ഇടിച്ചുതെറിപ്പിച്ചാണ് ഒടുവിൽ നിന്നത്. റോഡിലേക്ക് വീണ എബിൻ തലനാരിഴക്കാണ് അപകടത്തിൽ നിന്നും രക്ഷപ്പെട്ടത്.

സംഭവത്തിന്‍റെ ഞെട്ടിപ്പിക്കുന്ന സിസിടിവി ദൃശ്യങ്ങളും പുറത്തുവന്നു. അമിതവേഗതയിൽ സ്കൂട്ടര്‍ എത്തുന്നതും വളവിൽ വെച്ച് മറിയുന്നതും കാറിടിക്കുന്നതും ദൃശ്യങ്ങളിൽ വ്യക്തമായി ഉണ്ട്. സ്ഥലത്ത് പോലീസെത്തി മേൽ നടപടികൾ സ്വീകരിച്ചു.

അപകടംകൊല്ലംപരിക്ക്

സ്വന്തം ലേഖകൻ