ഇന്നോവ കാറിലേക്ക് മറ്റൊരു കാർ ഇടിച്ചുകയറി; അപകടം സിഗ്നലിൽ കാർ നിർത്തിയിട്ടപ്പോൾ; ഏഴ് പേർക്ക് പരിക്ക്; സംഭവം പാലക്കാട്

പാലക്കാട്: പാലക്കാട്- കോയമ്പത്തൂർ ദേശീയപാതയിൽ കാറുകൾ തമ്മിൽ കൂട്ടിയിടിച്ച് അപകടം. ഏഴ് പേർക്ക് പരിക്കേറ്റു. സിഗ്നലിൽ നിർത്തിയിട്ട ഇന്നോവ കാറിലേക്ക് മറ്റൊരു കാർ വന്ന് ഇടിച്ചുകയറുകയായിരുന്നു. പുതുശ്ശേരി പഞ്ചായത്ത് ഓഫീസിന് സമീപമായിരുന്നു അപകടം. സിഗ്നലിൽ നിർത്തിയിട്ടിരുന്ന ഇന്നോവ കാറിലേക്ക് കോയമ്പത്തൂരിലേക്ക് പോവുകയായിരുന്ന കാറാണ് വന്ന് ഇടിച്ചു കയറിയത്.

ശേഷം ഈ കാർ സിഗ്നലിൽ നിർത്തിയിട്ടിരുന്ന മുന്നിലെ ടാങ്കർ ലോറിയിലും ഇടിച്ചായിരുന്നു അപകടം നടന്നത്. ഇരുകാറുകളിലുമായി ഉണ്ടായിരുന്ന ഏഴു പേർക്കാണ് പരിക്കേറ്റത്. ഇവരുടെ പരിക്ക് ഗുരുതരമല്ല.

കോയമ്പത്തൂരിലേക്ക് പോവുകയായിരുന്ന കാർ വേ​ഗത്തിലായിരുന്നു. ഇതിനിടയിൽ സിഗ്നലിൽ വാഹനങ്ങൾ നിർത്തിയത് കണ്ടെങ്കിലും വാഹനത്തിന് ബ്രേക്ക് കിട്ടിയില്ല. ഇതാണ് അപകടമുണ്ടാകാൻ കാരണമായത്.