തൃശൂര്‍: ബസും കാറും കൂട്ടിയിടിച്ച് ഒരാൾക്ക് പരിക്ക്. തൃശൂര്‍-വാടാനപ്പള്ളി സംസ്ഥാന പാതയിൽ അരിമ്പൂർ കുന്നത്തങ്ങാടിയിലാണ് അപകടം നടന്നത്. തൃശൂരിൽ നിന്ന് തൃപ്രയാറിലേക്ക് പോവുകയായിരുന്ന സ്വകാര്യ ബസിലേക്ക് നിയന്ത്രണം തെറ്റി വന്ന കാർ ഇടിച്ചു കയറുകയായിരുന്നു.

അപകടത്തെ തുടർന്ന് കാർ ബസിനടിയിൽ കുടുങ്ങിയ നിലയിലായിരുന്നു. കാറിൽ പെരുമ്പിള്ളിശ്ശേരി സ്വദേശികളായ മൂന്ന് പേരാണ് ഉണ്ടായിരുന്നത്. അതിൽ ഒരാൾക്ക് പരിക്കേറ്റു. കാറിലെ ഡ്രൈവർ ഉറങ്ങിയതാണ് അപകട കാരണമെന്ന് ചിലർ പറയുന്നു.

സംഭവത്തെ തുടര്‍ന്ന് നാട്ടുകാരാണ് രക്ഷാപ്രവര്‍ത്തനം നടത്തിയത്. പരിക്കേറ്റയാളെ ആശുപത്രിയിലേക്ക് മാറ്റിയിട്ടുണ്ട്. സ്ഥലത്ത് പോലീസെത്തി മേൽനടപടികൾ സ്വീകരിച്ചു.

തൃശൂർഅപകടംകാർസ്വകാര്യ ബസ്

സ്വന്തം ലേഖകൻ